Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: Mahā-Vagga
45. Magga Saŋyutta||
III. Micchatta Vagga

Sutta 24

Dutiya Paṭipadā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

"Gihino vāhaɱ bhikkhave, pabbajitassa vā micchāpaṭipadaɱ na vaṇṇemi.|| ||

Gihī vā bhikkhave, pabbajito vā micchāpaṭipanno [19] micchāpaṭipattādhikaraṇahetu nārādhako hoti ñāyaɱ dhammaɱ kusalaɱ.|| ||

Katamā ca bhikkhave, micchāpaṭipadā?|| ||

Seyyathīdaɱ:|| ||

Micchā-diṭṭhi,||
micchā-saŋkappo,||
micchā-vācā,||
micchā-kammanto,||
micchā-ājīvo,||
micchā-vāyāmo,||
micchā-sati,||
micchā-samādhi.|| ||

Ayaɱ vuccati bhikkhave, micchāpaṭipadā.|| ||

Gihino vāhaɱ bhikkhave, pabbajitassa vā micchāpaṭipadaɱ na vaṇṇemi.|| ||

Gihī vā bhikkhave, pabbajito vā micchāpaṭipanno micchāpaṭipattādhikaraṇahetu nārādhako hoti ñāyaɱ dhammaɱ kusalaɱ.

 


 

Gihino vāhaɱ bhikkhave, pabbajitassa vā sammāpaṭipadaɱ vaṇṇemi.

Gihī vā bhikkhave, pabbajito vā sammāpaṭipanno sammāpaṭipattādhikaraṇahetu ārādhako hoti ñāyaɱ dhammaɱ kusalaɱ.

Katamā ca bhikkhave, sammāpaṭipadā?|| ||

Seyyathīdaɱ:|| ||

Sammā-diṭṭhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

Ayaɱ vuccati bhikkhave, sammāpaṭipadā.|| ||

Gihino vāhaɱ bhikkhave, pabbajitassa vā sammāpaṭipadaɱ vaṇṇemi.|| ||

Gihī vā bhikkhave, pabbajito vā sammāpaṭipanno sammāpaṭipattādhikaraṇahetu ārādhako hoti ñāyaɱ dhammaɱ kusalan" ti.

 


Contact:
E-mail
Copyright Statement   Webmaster's Page