Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: Mahā-Vagga
45. Magga Saŋyutta||
III. Micchatta Vagga

Sutta 26

Dutiya Asappurisa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

"Asappurisañ ca vo bhikkhave, desissāmi||
asappurisena asappurisatarañ ca.|| ||

Sappurisañ ca desissāmi||
sappurisena sappurisatarañ ca.|| ||

Taɱ suṇātha.|| ||

Katamo ca bhikkhave, asappuriso?|| ||

Idha bhikkhave, ekacco||
micchā-diṭṭhiko hoti||
micchā-saŋkappo micchāvāco||
micchā-kammanto||
micchā-ājīvo||
micchā-vāyāmo||
micchā-sati||
micchā-samādhi.|| ||

Ayaɱ vuccati bhikkhave, asappuriso.|| ||

Katamo ca bhikkhave, asappurisena asappurisataro?|| ||

Idha bhikkhave, ekacco||
micchā-diṭṭhiko hoti||
micchā-saŋkappo micchāvāco||
micchā-kammanto||
micchā-ājīvo||
micchā-vāyāmo||
micchā-sati||
micchā-samādhi||
micchā-ñāṇ||
micchā-vimutti.|| ||

Ayaɱ vuccati bhikkhave, asappurisena asappurisataro.|| ||

 


 

Katamo ca bhikkhave, sappuriso?|| ||

Idha bhikkhave, ekacco||
sammā-diṭṭhiko hoti||
sammā-saŋkappo||
sammā-vāco||
sammā-kammanto||
sammā-ājīvo||
sammā-vāyāmo||
sammā-sati||
sammā-samādhi.|| ||

Ayaɱ vuccati bhikkhave, sappuriso.|| ||

Katamo ca bhikkhave, sappurisena sappurisataro?|| ||

Idha bhikkhave, ekacco||
sammā-diṭṭhiko hoti||
sammā-saŋkappo||
sammā-vāco||
sammā-kammanto||
sammā-ājīvo||
sammā-vāyāmo||
sammā-sati||
sammā-samādhi||
sammā-ñāṇī||
sammā-vimutti.|| ||

Ayaɱ vuccati bhikkhave, sappurisena sappurisataro" ti.|| ||

 


Contact:
E-mail
Copyright Statement   Webmaster's Page