Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: Mahā-Vagga
45. Magga Saŋyutta||
III. Micchatta Vagga

Sutta 30

Uttiya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Atha kho āyasmā Uttiyo yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Uttiyo Bhagavantaɱ etad avoca:|| ||

"Idha mayhaɱ bhante, rāhogatassa patisallīnassa evaɱ cetaso parivitakko udapādi.|| ||

Pañca kāmaguṇā vuttā Bhagavatā.|| ||

Katame nu kho pañca kāmaguṇā vuttā Bhagavatā" ti?|| ||

Sādhu sādhu Uttiya, pañca kho me Uttiya, kāmaguṇā vuttā mayā.|| ||

Katame pañca?|| ||

Cakkhu-viññeyyā rūpā||
iṭṭhā||
kantā||
manāpā||
piyarūpā||
kāmūpasaŋhitā||
rajanīyā;|| ||

sota-viññeyyā saddā||
iṭṭhā||
kantā||
manāpā||
piyarūpā||
kāmūpasaŋhitā||
rajanīyā;|| ||

ghāna-viññeyyā gandhā||
iṭṭhā||
kantā||
manāpā||
piyarūpā||
kāmūpasaŋhitā||
rajanīyā;|| ||

jivhā-viññeyyā rasā||
iṭṭhā||
kantā||
manāpā||
piyarūpā||
kāmūpasaŋhitā||
rajanīyā;|| ||

kāyaviññeyyā phoṭṭhabbā||
iṭṭhā||
kantā||
manāpā||
piyarūpā||
kāmūpasaŋhitā||
rajanīyā.|| ||

Ime kho uttiya, pañca kāmaguṇā vuttā mayā.|| ||

Imesaɱ kho uttiya, pañcannaɱ kāmaguṇānaɱ pahānāya ariyo aṭṭhaŋgiko maggo bhāvetabbo.|| ||

Katamo ariyo aṭṭhaŋgiko maggo?|| ||

Seyyathīdaɱ:|| ||

Sammā-diṭṭhi,||
sammā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

Imesaɱ kho uttiya, paññannaɱ kāmaguṇānaɱ pahānāya ayaɱ ariyo aṭṭhaŋgiko maggo bhāvetabbo" ti.|| ||

Micchatta Vaggo Tatiyo.

 


Contact:
E-mail
Copyright Statement   Webmaster's Page