Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saɱyutta Nikāya:
V. Mahā-Vagga
45. Magga Saŋyuttaa
Aññatitthiya-Peyyālo

Sutta 47

Ñāṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Atha kho sambahulā bhikkhū yena Bhagavā ten'upasaŋkamiɱsu.|| ||

Upasaŋkamitvā Bhagavantaɱ abhivādetvā eka-m-antaɱ nisīdiɱsu.|| ||

Eka-m-antaɱ nisinne kho te bhikkhū Bhagavā etad avoca:|| ||

"Sace vo bhikkhave, aññatitthiyā paribbājakā evaɱ puccheyyuɱ:|| ||

'Kim atthiyaɱ āvuso, samaṇe Gotame brahmacariyaɱ vussatī' ti?|| ||

Evaɱ puṭṭhā tumhe bhikkhave, tesaŋ||
aññatitthiyānaɱ paribbājakānaɱ evaɱ vyākareyyātha.|| ||

'ñāṇa-dassanatthaɱ kho āvuso Bhagava ti brahmacariyaɱ vussatī' ti.|| ||

Sace pana vo bhikkhave, aññatitthiyā paribbājakā evaɱ puccheyyuɱ:|| ||

"Atthi pan'āvuso maggo||
atthi paṭipadā ñāṇadassanāyā' ti?|| ||

Evaɱ puṭṭhā tumhe bhikkhave, tesaŋ||
aññatitthiyānaɱ paribbājakānaɱ evaɱ vyākareyyātha:|| ||

'Atthi kho āvuso maggo||
atthi paṭipadā ñāṇadassanāyā' ti.|| ||

Katamo ca bhikkhave, maggo||
katamo ca paṭipadā ñāṇadassanāyā?|| ||

Ayameva ariyo aṭṭhaŋgiko maggo.|| ||

Seyyathīdaɱ:|| ||

Sammā-diṭṭhi,||
samā-saŋkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

Ayaɱ bhikkhave, maggo||
ayaɱ paṭipadā ñāṇadassanāyā ti.|| ||

Evaɱ puṭṭhā tumhe bhikkhave, tesaŋ||
aññatitthiyānaɱ paribbājakānaɱ evaɱ vyākareyyāthā" ti.|| ||

 


Contact:
E-mail
Copyright Statement   Webmaster's Page