Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
45. Magga Saŋyutta
Suriyassa-Peyyālo
Viveka-nissitaɱ

Sutta 51

Chanda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds][bodh] Sāvatthi nidānaɱ.|| ||

Suriyassa bhikkhave, udayato etaɱ pubbaŋgamaɱ etaɱ pubbanimittaɱ yad idaɱ aruṇaggaɱ;||
evam eva kho, bhikkhave,||
bhikkhuno ariyassa aṭṭhaŋgikassa maggassa uppādāya etaɱ pubbaŋgamaɱ etaɱ pubbanimittaɱ yad idaɱ chandasampadā.|| ||

Chandasampannassetaɱ bhikkhave bhikkhuno pāṭikaŋkhaɱ ariyaɱ aṭṭhaŋgikaɱ maggaɱ bhāvessati ariyaɱ aṭṭhaŋgikaɱ maggaɱ bahulīkarissatī ti.|| ||

Kathañ ca bhikkhave, bhikkhu chandasampanno ariyaɱ aṭṭhaŋgikaɱ maggaɱ bhāveti ariyaɱ aṭṭhaŋgikaɱ maggaɱ bahulīkaroti:||
idha bhikkhave, bhikkhu sammādiṭṭhiɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ,||
sammāsaŋkappaɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ,||
sammāvācaɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ,||
sammākammantaɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ,||
sammāājīvaɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ,||
sammāvāyāmaɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ,||
sammāsatiɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ,||
sammāsamādhiɱ bhāveti vivekanissitaɱ virāganissitaɱ nirodhanissitaɱ vossaggapariṇāmiɱ.|| ||

Evaɱ kho bhikkhave, bhikkhu chandasampanno ariyaɱ aṭṭhaŋgikaɱ maggaɱ bhāveti,||
ariyaɱ aṭṭhaŋgikaɱ maggaɱ bahulīkarotītiriyaɱ aṭṭhaŋgikaɱ maggaɱ bahulīkarotī ti.|| ||

 


Contact:
E-mail
Copyright Statement   Webmaster's Page