Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
I. Pabbata-Vaggo

Sutta 7

Kūṭāgāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Seyyathā pi bhikkhave, kūṭāgārassa yā kāci gopānasiyo sabbā tā kūṭa-ninnā||
kūṭa-poṇā||
kūṭa-pabbhārā,||
evam eva kho, bhikkhave, bhikkhu satta bojjhaŋge bhāvento||
satta bojjhaŋge bahulīkaronto||
nibbāna-ninno hoti||
nibbāna-poṇo||
nibbāna-pabbhāro.|| ||

[76] Kathañ ca bhikkhave bhikkhu||
satta bojjhaŋge bhāvento||
satta bojjhaŋge bahulīkaronto||
nibbāna-ninno hoti||
nibbāna-poṇo||
nibbāna-pabbhāro?|| ||

Idha, bhikkhave, bhikkhu,||
sati-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Dhamma-vicayasambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Viriyasambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Pītisambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Passaddhisambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Samādhisambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Upekkhāsambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave bhikkhu||
satta bojjhaŋge bhāvento||
satta bojjhaŋge bahulīkaronto||
nibbāna-ninno hoti||
nibbāna-poṇo||
nibbāna-pabbhāro.|| ||

 


Contact:
E-mail
Copyright Statement   Webmaster's Page