Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
I. Pabbata-Vaggo

Sutta 8

Upavāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayaɱ āyasmā ca Upavāno||
āyasmā ca Sāriputto||
Kosambiyaɱ viharanti,||
Ghositārāme.|| ||

Atha kho āyasmā Sāriputto||
sāyanhasamayaɱ paṭisallāṇā vuṭṭhito||
yenāyasmā Upavāno ten'upasaŋkami.

Upasaŋkamitvā āyasmatā upavānena saddhiɱ sammodi.|| ||

Sammedanīyaɱ kathaɱ sārāṇīyaɱ vītisāretvā eka-m-antaɱ nisīdi.|| ||

Eka-m-antaɱ nisinno kho āyasmā Sāriputto āyasmantaɱ Upavānaɱ etad avoca:|| ||

"Jāneyya nu kho āvuso Upavāna bhikkhu paccattaɱ:|| ||

'Yoniso manasikārā evaɱ susamāraddhā me satta bojjhaŋgā phāsu-vihārāya saŋvattantī'" ti?|| ||

"Jāneyya kho āvuso Sāriputta bhikkhu paccattaɱ:|| ||

'Yoniso manasikārā evaɱ susamāraddhā me satta bojjhaŋgā phāsu-vihārāya saŋvattantī' ti.|| ||

Sati-sambojjhaŋgaɱ āvuso bhikkhu ārabhamāno va jānāti.|| ||

'Cittaɱ ca me suvimuttaɱ||
thīna-middhaɱ ca me susamūhataɱ,||
uddhacca kukkuccañ ca me suppaṭivinītaɱ,||
āraddhaɱ ca me viriyaɱ||
aṭṭhikatvā manasikaromi||
no ca līnan' ti.|| ||

Dhamma-vicaya-sambojjhaŋgaɱ āvuso bhikkhu ārabhamāno va jānāti.|| ||

'Cittaɱ ca me suvimuttaɱ||
thīna-middhaɱ ca me susamūhataɱ,||
uddhacca kukkuccañ ca me suppaṭivinītaɱ,||
āraddhaɱ ca me viriyaɱ||
aṭṭhikatvā manasikaromi||
no ca līnan' ti.|| ||

Viriya-sambojjhaŋgaɱ āvuso bhikkhu ārabhamāno va jānāti.|| ||

'Cittaɱ ca me suvimuttaɱ||
thīna-middhaɱ ca me susamūhataɱ,||
uddhacca kukkuccañ ca me suppaṭivinītaɱ,||
āraddhaɱ ca me viriyaɱ||
aṭṭhikatvā manasikaromi||
no ca līnan' ti.|| ||

Pīti-sambojjhaŋgaɱ āvuso bhikkhu ārabhamāno va jānāti.|| ||

'Cittaɱ ca me suvimuttaɱ||
thīna-middhaɱ ca me susamūhataɱ,||
uddhacca kukkuccañ ca me suppaṭivinītaɱ,||
āraddhaɱ ca me viriyaɱ||
aṭṭhikatvā manasikaromi||
no ca līnan' ti.|| ||

Passaddhi-sambojjhaŋgaɱ āvuso bhikkhu ārabhamāno va jānāti.|| ||

'Cittaɱ ca me suvimuttaɱ||
thīna-middhaɱ ca me susamūhataɱ,||
uddhacca kukkuccañ ca me suppaṭivinītaɱ,||
āraddhaɱ ca me viriyaɱ||
aṭṭhikatvā manasikaromi||
no ca līnan' ti.|| ||

Samādhi-sambojjhaŋgaɱ āvuso bhikkhu ārabhamāno va jānāti.|| ||

'Cittaɱ ca me suvimuttaɱ||
thīna-middhaɱ ca me susamūhataɱ,||
uddhacca kukkuccañ ca me suppaṭivinītaɱ,||
āraddhaɱ ca me viriyaɱ||
aṭṭhikatvā manasikaromi||
no ca līnan' ti.|| ||

Upekhāsambojjhaŋgaɱ āvuso bhikkhu ārabhamāno va jānāti.|| ||

[77] 'Cittaɱ ca me suvimuttaɱ||
thīna-middhaɱ ca me susamūhataɱ,||
uddhacca kukkuccañ ca me suppaṭivinītaɱ,||
āraddhaɱ ca me viriyaɱ||
aṭṭhikatvā manasikaromi||
no ca līnan' ti.|| ||

Evaɱ kho āvuso Sāriputta bhikkhu jāneyya paccattaɱ:|| ||

'Yoniso manasikārā evaɱ susamāraddhā me satta bojjhaŋgā phāsu-vihārāya saŋvattantī'" ti.|| ||

 


Contact:
E-mail
Copyright Statement   Webmaster's Page