Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya
5. Mahā-Vagga
46. Bojjhanga Saɱyutta
2. Gilāna Vagga

Sutta 11

Pāṇā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[78]

[1][pts][bodh][than] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ye keci pāṇā cattāro iriyāpathe kappenti||
kālena gamanaɱ||
kālena ṭhānaɱ||
kālena nisjjaɱ||
kālena seyyaɱ,||
sabbe te paṭhaviɱ nissāya||
paṭhaviyaɱ||
patiṭṭhāya||
evam ete cattāro iriyāpathe kappenti.|| ||

Evam eva kho bhikkhave,||
bhikkhu sīlaɱ nissāya||
sīle patiṭṭhāya||
satta bojjh'aŋge bhāveti||
satta bojjh'aŋge bahulī-karoti.|| ||

Kathañ ca bhikkhave,||
bhikkhu sīlaɱ nissāya||
sīle patiṭṭhāya||
satta bojjh'aŋge bhāveti,||
satta bojjh'aŋge bahulī-karoti?|| ||

Idha bhikkhave, Bhikkhu||
sati-sambojjh'aŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Dhamma-vicaya-sambojjh'aŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Viriya-sambojjh'aŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Pīti-sambojjh'aŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Passaddhi-sambojjh'aŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Samādhi-sambojjh'aŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Upekkhā-sambojjh'aŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave,||
bhikkhu sīlaɱ nissāya||
sīle patiṭṭhāya||
satta bojjh'aŋge bhāveti||
satta bojjh'aŋge bahulī-karotī" ti.|| ||

 


Contact:
E-mail
Copyright Statement