Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
II. Gilāna-Vaggo

Sutta 16

Tatiya Gilāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][piya] Evam me sutaɱ:|| ||

[81] Ekaɱ samayam Bhagavā Rājagahe viharati veluvane kalandakanivāpe.|| ||

Tena kho pana samayena Bhagavā ābādhiko hoti dukkhito bāḷhagilāno.|| ||

Atha kho āyasmā Mahā Cundo yena Bhagavā ten'upasaŋkami,||
upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Mahā Cundaɱ Bhagavā etad avoca:|| ||

"Paṭibhantu taɱ Cunda, bojjhaŋgā" ti.|| ||

"Satt'ime bhante bojjhaŋgā Bhagavatā sammadakkhātā bhāvitā bahulīkatā abhiññāya sambodhāya nibbānāya saɱvattanti.|| ||

Katame satta?|| ||

Sati-sambojjhaŋgo kho bhante, Bhagavatā sammadakkhāto bhāvito bahulīkato.|| ||

Abhiññāya sambodhāya nibbānāya saɱvattati.|| ||

Dhamma-vicaya-sambojjhaŋgo kho bhante, Bhagavatā sammadakkhāto bhāvito bahulīkato.|| ||

Abhiññāya sambodhāya nibbānāya saɱvattati.|| ||

Viriya-sambojjhaŋgo kho bhante, Bhagavatā sammadakkhāto bhāvito bahulīkato.|| ||

Abhiññāya sambodhāya nibbānāya saɱvattati.|| ||

Pīti-sambojjhaŋgo kho bhante, Bhagavatā sammadakkhāto bhāvito bahulīkato.|| ||

Abhiññāya sambodhāya nibbānāya saɱvattati.|| ||

Passaddhi-sambojjhaŋgo kho bhante, Bhagavatā sammadakkhāto bhāvito bahulīkato.|| ||

Abhiññāya sambodhāya nibbānāya saɱvattati.|| ||

Samādhi-sambojjhaŋgo kho bhante, Bhagavatā sammadakkhāto bhāvito bahulīkato.|| ||

Abhiññāya sambodhāya nibbānāya saɱvattati.|| ||

Upekhā-sambojjhaŋgo kho bhante, Bhagavatā sammadakkhāto bhāvito bahulīkato.|| ||

Abhiññāya sambodhāya nibbānāya saɱvattati.|| ||

Ime kho bhante, satta bojjhaŋgā Bhagavatā sammadakkhānā bhāvitā bahulīkatā.|| ||

Abhiññāya sambodhāya nibbānāya saɱvattantī" ti.|| ||

"Taggha Cunda, bojjhaŋgā!|| ||

Taggha Cunda, bojjhaŋgā" ti!|| ||

Idam avoc'āyasmā Mahā Cundo||
samanuñño satthā ahosi.|| ||

Vuṭṭhāhi ca Bhagavā tamhā ābādhā.|| ||

Tathā pahīno ca Bhagavato so ābādho ahosīti.|| ||

 


Contact:
E-mail
Copyright Statement   Webmaster's Page