Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
II. Gilāna-Vaggo

Sutta 18

Viraddha or Āraddha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

"Yesaŋ kesañci bhikkhave, satta bojjhaŋgā viraddhā||
viraddho tesaŋ ariyo maggo sammā dukkhakkhayagāmī.|| ||

Yesaŋ kesañci bhikkhave, satta bojjhaŋgā āraddhā||
āraddho tesaŋ ariyo maggo sammā dukkhakkhayagāmī.|| ||

Katame satta?|| ||

Sati-sambojjhaŋgo,||
dhamma-vicaya-sambojjhaŋgo,||
viriya-sambojjhaŋgo,||
pīti-sambojjhaŋgo,||
passaddhi-sambojjhaŋgo,||
samādhi-sambojjhaŋgo,||
upekhā-sambojjhaŋgo.|| ||

Yesaŋ kesañci bhikkhave, satta bojjhaŋgā viraddhā||
viraddho tesaŋ ariyo maggo sammā dukkhakkhayagāmī.|| ||

Yesaŋ kesañci bhikkhave, satta bojjhaŋgā āraddhā||
āraddho tesaŋ ariyo maggo sammā dukkhakkhayagāmī" ti.|| ||

 


Contact:
E-mail
Copyright Statement   Webmaster's Page