Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
III. Udāyi-Vaggo

Sutta 23

Ṭhānā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Kāma-rāgaṭṭhāniyānaɱ bhikkhave,||
dhammānaɱ manasikāra-bahulīkārā anuppanno c'eva kāmacchando uppajjati,||
uppanno ca kāmacchando bhiyyobhāvāya vepullāya saŋvattati.|| ||

Vyāpādaṭṭhāniyānaɱ bhikkhave,||
dhammānaɱ manasikāra-bahulīkārā anuppanno c'eva vyāpādo uppajjati,||
uppanno ca vyāpādo bhiyyobhāvāya vepullāya saŋvattati.|| ||

Thīna-middhaṭṭhāniyānaɱ bhikkhave,||
dhammānaɱ manasikāra-bahulīkārā anuppanno c'eva thīna-middhaɱ uppajjati,||
uppannañ ca thīna-middhaɱ bhiyyobhāvāya vepullāya saŋvattati.|| ||

Uddhacca-kukkuccaṭṭhāniyānaɱ bhikkhave,||
dhammānaɱ manasikāra-bahulīkārā anuppanno c'eva uddhacca-kukkuccaɱ uppajjati,||
uppannañ ca uddhacca-kukkuccaɱ bhiyyobhāvāya vepullāya saŋvattati.|| ||

Vicikicacchāṭhāniyānaɱ bhikkhave,||
dhammānaɱ manasikāra-bahulīkārā anuppanno c'eva vicikicchā uppajjati,||
uppannā ca vicikicchā bhiyyobhāvāya vepullāya saŋvattati.|| ||

 


 

Sati-sambojjhaŋgaṭṭhāniyānaɱ bhikkhave,||
dhammānaɱ manasikāra bahulīkārā anuppanno c'eva sati-sambojjhaŋgo uppajjati,||
uppanno ca sati-sambojjhaŋgo bhāvanāpāripūriɱ gacchati.|| ||

Dhamma-vicaya-sambojjhaŋgaṭṭhāniyānaɱ bhikkhave,||
dhammānaɱ manasikāra bahulīkārā anuppanno c'eva dhamma-vicaya-sambojjhaŋgo uppajjati,||
uppanno ca dhamma-vicaya-sambojjhaŋgo bhāvanāpāripūriɱ gacchati.|| ||

Viriya-sambojjhaŋgaṭṭhāniyānaɱ bhikkhave,||
dhammānaɱ manasikāra bahulīkārā anuppanno c'eva viriya-sambojjhaŋgo uppajjati,||
uppanno ca viriya-sambojjhaŋgo bhāvanāpāripūriɱ gacchati.|| ||

Pīti-sambojjhaŋgaṭṭhāniyānaɱ bhikkhave,||
dhammānaɱ manasikāra bahulīkārā anuppanno c'eva pīti-sambojjhaŋgo uppajjati,||
uppanno ca pītisambojjhaŋgo bhāvanāpāripūriɱ gacchati.|| ||

Passaddhi-sambojjhaŋgaṭṭhāniyānaɱ bhikkhave,||
dhammānaɱ manasikāra bahulīkārā anuppanno c'eva passaddhi-sambojjhaŋgo uppajjati,||
uppanno ca passaddhi-sambojjhaŋgo bhāvanāpāripūriɱ gacchati.|| ||

Samādhi-sambojjhaŋgaṭṭhāniyānaɱ bhikkhave,||
dhammānaɱ manasikāra bahulīkārā anuppanno c'eva samādhi-sambojjhaŋgo uppajjati,||
uppanno ca samādhi-sambojjhaŋgo bhāvanāpāripūriɱ gacchati.|| ||

Upekhā-sambojjhaŋgaṭṭhānīyānaɱ bhikkhave,||
dhammānaɱ manasikāra bahulīkārā anuppanno c'eva upekhā-sambojjhaŋgo uppajjati,||
-uppanno ca upekhā-sambojjhaŋgo bhāvanāpāripūriɱ gacchatī" ti.|| ||

 


Contact:
E-mail
Copyright Statement   Webmaster's Page