Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
III. Udāyi-Vaggo

Sutta 24

Ayoniso Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Ayoniso bhikkhave, manasikaroto||
anuppanno c'eva kāmacchando uppajjati,||
uppanno ca kāmacchando bhiyyobhāvāya vepullāya saŋvattati.|| ||

[85] Anuppanno c'eva vyāpādo uppajjati,||
uppanno ca vyāpādo bhiyyobhāvāya vepullāya saŋvattati.|| ||

Anuppannañ c'eva thīna-middhaɱ uppajjati,||
uppannañ ca thīna-middhaɱ bhiyyobhāvāya vepullāya saŋvattati.|| ||

Anuppannañ c'eva uddhacca-kukkuccaɱ uppajjati,||
uppannañ c'eva uddhacca-kukkuccaɱ bhiyyobhāvāya vepullāya saŋvattati.|| ||

Anuppannā c'eva vicikicchā uppajjati,||
uppannā ca vicikicchā bhiyyobhāvāya vepullāya saŋvattati.|| ||

 


 

Anuppanno ca sati-sambojjhaŋgo n'ūppajjati,||
uppanno ca sati-sambojjhaŋgo nirujjhati,.|| ||

Anuppanno ca dhamma-vicaya-sambojjhaŋgo n'ūppajjati,||
uppanno ca dhamma-vicaya-sambojjhaŋgo nirujjhati.|| ||

Anuppanno ca viriya-sambojjhaŋgo n'ūppajjati,||
uppanno ca viriya-sambojjhaŋgo nirujjhati.|| ||

Anuppanno ca pīti-sambojjhaŋgo n'ūppajjati,||
uppanno ca pīti-sambojjhaŋgo nirujjhati.|| ||

Anuppanno ca passaddhi-sambojjhaŋgo n'ūppajjati,||
uppanno ca passaddhi-sambojjhaŋgo nirujjhati.|| ||

Anuppanno ca samādhi-sambojjhaŋgo n'ūppajjati,||
uppanno ca samādhi-sambojjhaŋgo nirujjhati.|| ||

Anuppanno ca upekhā-sambojjhaŋgo n'ūppajjati,||
uppanno ca upekhā-sambojjhaŋgo nirujjhati.|| ||

 

§

 

Yoniso bhikkhave, manasikaroto||
anuppanno c'eva kāmacchando n'ūppajjati,||
uppanno ca kāmacchando pahīyati.|| ||

Anuppanno c'eva vyāpādo n'ūppajjati,||
uppanno ca vyāpādo pahīyati.|| ||

Anuppannañ c'eva thīna-middhaɱ n'ūppajjati,||
uppannañ ca thīna-middhaɱ pahīyati.|| ||

Anuppannañ c'eva uddhacca-kukkuccaɱ n'ūppajjati,||
uppannañ ca uddhacca-kukkuccaɱ pahīyati.|| ||

Anuppannā c'eva vicikicchā n'ūppajjati,||
uppannā ca vicikicchā pahīyati.|| ||

 


 

Anuppanno ca sati-sambojjhaŋgo uppajjati,||
uppanno ca sati-sambojjhaŋgo bhāvanāpāripūriɱ gacchati.|| ||

Anuppanno ca dhamma-vicaya-sambojjhaŋgo uppajjati,||
uppanno ca dhamma-vicaya-sambojjhaŋgo bhāvanāpāripūriɱ gacchati.|| ||

Anuppanno ca viriya-sambojjhaŋgo uppajjati,||
uppanno ca viriya-sambojjhaŋgo bhāvanāpāripūriɱ gacchati.|| ||

Anuppanno ca pīti-sambojjhaŋgo uppajjati,||
uppanno ca pīti-sambojjhaŋgo bhāvanāpāripūriɱ gacchati.|| ||

Anuppanno ca passaddhi-sambojjhaŋgo uppajjati,||
uppanno ca passaddhi-sambojjhaŋgo bhāvanāpāripūriɱ gacchati.|| ||

Anuppanno ca samādhi-sambojjhaŋgo uppajjati,||
uppanno ca samādhi-sambojjhaŋgo bhāvanāpāripūriɱ gacchati.|| ||

Anuppanno ca upekhā-sambojjhaŋgo uppajjati,||
uppanno ca upekhā-sambojjhaŋgo bhāvanāpāripūriɱ gacchatī" ti.|| ||

 


Contact:
E-mail
Copyright Statement   Webmaster's Page