Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
III. Udāyi-Vaggo

Sutta 27

Nirodha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Yo bhikkhave, maggo yā paṭipadā taṇhā-nirodhāya saŋvattati,||
taɱ maggaɱ taɱ paṭipadaɱ bhāvetha.|| ||

Katamo ca bhikkhave, maggo katamā ca paṭipadā taṇhā-nirodhāya saŋvattati?|| ||

Yad idaɱ sattabojjhaŋgā.|| ||

Katame satta?|| ||

Sati-sambojjhaŋgo||
dhamma-vicaya-sambojjhaŋgo||
viriya-sambojjhaŋgo||
pīti-sambojjhaŋgo||
passaddhi-sambojjhaŋgo||
samādhi-sambojjhaŋgo||
upekhā-sambojjhaŋgo" ti.

"Kathaɱ bhāvitā ca bhikkhave satta bojjhaŋgā||
kathaɱ bahulīkatā||
taṇhā-nirodhāya saŋvattanti?|| ||

"Idha Udāyi, Bhikkhu||
sati-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Dhamma-vicayasambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Viriya-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Pīti-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Passaddhi-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Samādhi-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Upekkhā-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ bhāvitā kho bhikkhave, satta bojjhaŋgā||
evaɱ bahulīkatā||
taṇhā-nirodhāya saŋvattatī" ti.|| ||

 


Contact:
E-mail
Copyright Statement   Webmaster's Page