Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
III. Udāyi-Vaggo

Sutta 28

Nibbedha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Nibbedha-bhāgiyaɱ vo bhikkhave, maggaɱ desissāmi.|| ||

Taɱ suṇātha.|| ||

Katamo ca bhikkhave, nibbedha-bhāgiyo maggo?|| ||

Yad idaɱ satta bojjhaŋgā.|| ||

Katame satta?|| ||

Sati-sambojjhaŋgo||
dhamma-vicaya-sambojjhaŋgo||
viriya-sambojjhaŋgo||
pīti-sambojjhaŋgo||
passaddhi-sambojjhaŋgo||
samādhi-sambojjhaŋgo||
upekhā-sambojjhaŋgo" ti.

Evaɱ vutte āyasmā Udāyi Bhagavantaɱ etad avoca:|| ||

"Kathaɱ bhāvitā nu kho bhante, satta bojjhaŋgā kathaɱ bahulīkatā||
nibbedhāya saŋvattantī" ti?|| ||

"Idha Udāyi, Bhikkhu||
sati-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ,||
vipulaɱ,||
mahaggataɱ,||
[88] appamāṇaɱ,||
abyāpajjhaɱ.|| ||

So sati-sambojjhaŋgaɱ bhāvitena cittena anibbiddha-pubbaɱ||
appadālita-pubbaɱ||
lobhakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
dosakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
mohakkhandhaɱ nibbijjhati padāleti.|| ||

Dhamma-vicaya-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ,||
vipulaɱ,||
mahaggataɱ,||
appamāṇaɱ,||
abyāpajjhaɱ.|| ||

So dhamma-vicaya-sambojjhaŋgaɱ bhāvitena cittena anibbiddha-pubbaɱ||
appadālita-pubbaɱ||
lobhakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
dosakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
mohakkhandhaɱ nibbijjhati padāleti.|| ||

Viriya-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ,||
vipulaɱ,||
mahaggataɱ,||
appamāṇaɱ,||
abyāpajjhaɱ.|| ||

So viriya-sambojjhaŋgaɱ bhāvitena cittena anibbiddha-pubbaɱ||
appadālita-pubbaɱ||
lobhakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
dosakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
mohakkhandhaɱ nibbijjhati padāleti.|| ||

Pīti-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ,||
vipulaɱ,||
mahaggataɱ,||
appamāṇaɱ,||
abyāpajjhaɱ.|| ||

So pīti-sambojjhaŋgaɱ bhāvitena cittena anibbiddha-pubbaɱ||
appadālita-pubbaɱ||
lobhakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
dosakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
mohakkhandhaɱ nibbijjhati padāleti.|| ||

Passaddhi-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ,||
vipulaɱ,||
mahaggataɱ,||
appamāṇaɱ,||
abyāpajjhaɱ.|| ||

So passaddhi-sambojjhaŋgaɱ bhāvitena cittena anibbiddha-pubbaɱ||
appadālita-pubbaɱ||
lobhakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
dosakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
mohakkhandhaɱ nibbijjhati padāleti.|| ||

Samādhi-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ,||
vipulaɱ,||
mahaggataɱ,||
appamāṇaɱ,||
abyāpajjhaɱ.|| ||

So samādhi-sambojjhaŋgaɱ bhāvitena cittena anibbiddha-pubbaɱ||
appadālita-pubbaɱ||
lobhakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
dosakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
mohakkhandhaɱ nibbijjhati padāleti.|| ||

Upekkhā-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ,||
vipulaɱ,||
mahaggataɱ,||
appamāṇaɱ,||
abyāpajjhaɱ.|| ||

So upekkhā-sambojjhaŋgaɱ bhāvitena cittena anibbiddha-pubbaɱ||
appadālita-pubbaɱ||
lobhakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
dosakkhandhaɱ nibbijjhati padāleti.|| ||

Anibbiddha-pubbaɱ||
appadālita-pubbaɱ||
mohakkhandhaɱ nibbijjhati padāleti.|| ||

Evaɱ bhāvitā kho Udāyi, satta bojjhaŋgā evaɱ bahulīkatā nibbedhāya saŋvattantī" ti.|| ||

 


Contact:
E-mail
Copyright Statement   Webmaster's Page