Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
III. Udāyi-Vaggo

Sutta 30

Udāyī Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

"Ekaɱ samayaɱ Bhagavā Sumhesu viharati Setakaɱ nāma Sumbhānaɱ nigamo.|| ||

Atha kho āyasmā Udāyī yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Udāyī Bhagavantaɱ etad avoca:|| ||

"Acchariyaɱ bhante,||
abbhutaɱ bhante,||
yāva bahukataɱ ca me bhante,||
Bhagavati pemaɱ ca||
gāravo ca||
hiri ca||
ottappañ ca.|| ||

Ahaɱ hi bhante, pubbe agārikabhūto samāno abahukato ahosiɱ dhammena.|| ||

Abahukato saŋghena.|| ||

So khvāhaɱ bhante,||
Bhagavati pemaɱ ca||
gāravaɱ ca||
hiriɱ ca||
ottapañ ca||
sampassamāno agārasmā anagāriyaɱ pabbajiɱ.|| ||

Tassa me Bhagavā dhammaɱ desesi:|| ||

'Iti rūpaɱ,||
iti rūpassa samudayo,||
iti rūpassa atthagamo,|| ||

iti vedanā,||
iti vedanāya samudayo,||
iti vedanāya atthagamo,|| ||

iti saññā,||
iti saññāya samudayo,||
iti saññāya atthagamo,|| ||

iti sankhārā,||
iti sankhārānaɱ samudayo,||
iti sankhārānaɱ atthagamo,|| ||

iti viññāṇaɱ,||
iti viññāṇassa samudayo,||
iti viññāṇassa atthagamo' ti.|| ||

So khvāhaɱ bhante, suññāgāragato imesu pañc'upādānakkhandhānam ukkujjāvakujjaɱ samparivattento||
'idaɱ dukkhan' ti yathā-bhūtaɱ abbhaññāsiɱ.|| ||

'Ayaɱ dukkha-samudayo' ti||
[90] yathā-bhūtaɱ abbhaññāsiɱ.|| ||

'Ayaɱ dukkha-nirodho' ti||
yathā-bhūtaɱ abbhaññāsiɱ.|| ||

'Ayaɱ dukkha-nirodha-gāminī-paṭipadā' ti||
yathā-bhūtaɱ abbhaññāsiɱ.|| ||

Dhammo ca me bhante, abhisamito,||
maggo ca paṭiladdho,||
yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Sati-sambojjhaŋgo kho me bhante, paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Dhamma-vicaya-sambojjhaŋgo kho me bhante, paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Viriya-sambojjhaŋgo kho me bhante, paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Pīti-sambojjhaŋgo kho kho me bhante, paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Passaddhi-sambojjhaŋgo kho me bhante, paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Samādhi-sambojjhaŋgo kho kho me bhante, paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Upekhā-sambojjhaŋgo kho kho me bhante, paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi.|| ||

Ayaɱ kho me bhante, maggo paṭiladdho.|| ||

Yo me bhāvito bahulīkato||
tathā tathā viharantaɱ||
tathattāya upanessati.|| ||

Yathāhaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi" ti.|| ||

 


 

"Sādhu sādhu Udāyi,||
eso hi te Udāyi,||
maggo paṭiladdho.|| ||

Yo te bhāvito bahulīkato||
tathā tathā viharantaɱ||
tathattāya upanessati.|| ||

Yathā tvaɱ:|| ||

'Khīṇā jāti||
vusitaɱ brahmacariyaɱ||
kataɱ karaṇīyaɱ||
nāparaɱ itthattāyā' ti pajānissāmi" ti.|| ||

 


Contact:
E-mail
Copyright Statement   Webmaster's Page