Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
IV. Nīvaraṇa-Vaggo

Sutta 34

Dutiya Kilesa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Satt'ime bhikkhave, bojjhaŋgā||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Katame satta?|| ||

Sati-sambojjhaŋgo kho bhikkhave,||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Dhamma-vicaya-sambojjhaŋgo kho bhikkhave,||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Viriyasambojjhaŋgo kho bhikkhave,||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Pīti-sambojjhaŋgo kho bhikkhave,||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Passaddhi-sambojjhaŋgo kho bhikkhave,||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Samādhi-sambojjhaŋgo kho bhikkhave,||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Upekhā-sambojjhaŋgo kho bhikkhave,||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattanti.|| ||

Ime kho bhikkhave, satta bojjhaŋgā||
anāvaraṇā||
anīvaraṇā||
cetaso anupakkilesā||
bhāvitā||
bahulīkatā||
vijjā-vimutti-phala-sacchi-kiriyāya saŋvattantī" ti.|| ||

 


Contact:
E-mail
Copyright Statement   Webmaster's Page