Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
IV. Nīvaraṇa-Vaggo

Sutta 40

Nīvaraṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

Pañc'ime bhikkhave, nīvaraṇā andhakaraṇā acakkhukaraṇā aññāṇakaraṇā paññānirodhiyā vighātapakkhiyā anibbāna-saŋvattanikā.|| ||

Katame pañca?|| ||

Kāmacchanda-nīvaraṇaɱ bhikkhave, andhakaraṇaɱ acakkhukaraṇaɱ aññāṇakaraṇaɱ paññānirodhiyaɱ vighātapakkhiyaɱ anibbāna-saŋvattanikaɱ.|| ||

Vyāpāda-nīvaraṇaɱ bhikkhave, andhakaraṇaɱ acakkhukaraṇaɱ aññāṇakaraṇaɱ paññānirodhiyaɱ vighātapakkhiyaɱ anibbāna-saŋvattanikaɱ.|| ||

Thīnamiddha-nīvaraṇaɱ bhikkhave, andhakaraṇaɱ acakkhukaraṇaɱ aññāṇakaraṇaɱ paññānirodhiyaɱ vighātapakkhiyaɱ anibbāna-saŋvattanikaɱ.|| ||

Uddhaccakukkucca-nīvaraṇaɱ bhikkhave, andhakaraṇaɱ acakkhukaraṇaɱ aññāṇakaraṇaɱ paññānirodhiyaɱ vighātapakkhiyaɱ anibbāna-saŋvattanikaɱ.|| ||

Vicikicchā-nīvaraṇaɱ bhikkhave, andhakaraṇaɱ acakkhukaraṇaɱ aññāṇakaraṇaɱ paññānirodhiyaɱ vighātapakkhiyaɱ anibbāna-saŋvattanikaɱ.|| ||

Ime kho bhikkhave, pañcanīvaraṇā andhakaraṇā acakkhukaraṇā aññāṇakaraṇā paññanirodhiyā vighātapakkhiyā anibbāna-saŋvattanikā.|| ||

Satt'ime bhikkhave, bojjhaŋgā cakkhukaraṇā ñāṇakaraṇā paññāvuddhiyā avighātapakkhiyā nibbāna-saŋvattanikā.|| ||

Katame satta?|| ||

Sati-sambojjhaŋgo bhikkhave, cakkhukaraṇo ñāṇakaraṇo paññavuddhiyo avighātapakkhiyo nibbāna-saŋvattaniko.|| ||

Dhammavicaya-sambojjhaŋgo bhikkhave, cakkhukaraṇo ñāṇakaraṇo paññavuddhiyo avighātapakkhiyo nibbāna-saŋvattaniko.|| ||

Viriya-sambojjhaŋgo bhikkhave, cakkhukaraṇo ñāṇakaraṇo paññavuddhiyo avighātapakkhiyo nibbāna-saŋvattaniko.|| ||

Pīti-sambojjhaŋgo bhikkhave, cakkhukaraṇo ñāṇakaraṇo paññavuddhiyo avighātapakkhiyo nibbāna-saŋvattaniko.|| ||

Passaddhi-sambojjhaŋgo bhikkhave, cakkhukaraṇo ñāṇakaraṇo paññavuddhiyo avighātapakkhiyo nibbāna-saŋvattaniko.|| ||

Samādhi-sambojjhaŋgo bhikkhave, cakkhukaraṇo ñāṇakaraṇo paññavuddhiyo avighātapakkhiyo nibbāna-saŋvattaniko.|| ||

Upekhā-sambojjhaŋgo bhikkhave, cakkhukaraṇo ñāṇakaraṇo paññavuddhiyo avighātapakkhiyo nibbāna-saŋvattaniko.|| ||

Ime kho [98] bhikkhave, sattabojjhaŋgā cakkhukaraṇā ñāṇakaraṇā paññāvuddhiyā avighātapakkhiyā nibbāna-saŋvattatikāti.|| ||

Nīvaraṇavaggo catuttho.

 


Contact:
E-mail
Copyright Statement   Webmaster's Page