Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
IV. Nīvaraṇa-Vaggo

Sutta 41

Vidhā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

"Ye hi keci bhikkhave, atītam addhānaɱ samaṇā vā brāhmaṇā vā tisso vidhā pajahiɱsu||
sabbe te sattannaɱ bojjhaŋgānaɱ bhāvittatā bahulīkattatā.|| ||

Ye hi keci bhikkhave, anāgatam addhānaɱ samaṇā vā brāhmaṇā vā tisso vidhā pajahissanti||
sabbe te sattannaɱ bojjhaŋgānaɱ bhāvittatā bahulīkatattā.|| ||

Ye hi keci bhikkhave, etarahi samaṇā vā brāhmaṇā vā tisso vidhā pajahanti,||
sabbe te sattannaɱ bojjhaŋgānaɱ bhāvittatā bahulīkattatā.|| ||

Katamesaŋ sattannaɱ?|| ||

Sati-sambojjhaŋgassa||
dhamma-vicaya-sambojjhaŋgassa||
viriya-sambojjhaŋgassa||
pīti-sambojjhaŋgassa||
passaddhi-sambojjhaŋgassa||
samādhi-sambojjhaŋgassa||
upekhā-sambojjhaŋgassa.|| ||

Ye hi keci bhikkhave, atītam addhānaɱ samaṇā vā brāhmaṇā vā tisso vidhā pajahiɱsu,||
sabbe te imesaŋ sattannaɱ bojjhaŋgānaɱ bhāvittatā bahulīkatattā.|| ||

Ye hi keci bhikkhave, anāgatam addhānaɱ samaṇā vā brāhmaṇā vā tisso vidhā pajahissanti,||
sabbe te imesaŋ sattannaɱ bojjhaŋgānaɱ bhāvittatā bahulīkatattā.|| ||

Ye hi keci bhikkhave, etarahi samaṇā vā brāhmaṇā vā tisso vidhā pajahanti,||
sabbe te imesaŋ ca sattannaɱ bojjhaŋgānaɱ bhāvittatā bahulīkatattā" ti.|| ||

 


Contact:
E-mail
Copyright Statement   Webmaster's Page