Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
IV. Nīvaraṇa-Vaggo

Sutta 42

Cakkavatti Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Tatra kho Bhagavā bhikkhū āmantesi Bhikkhavo ti.|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

"Rañño bhikkhave, cakkavattissa pātubhāvā sattannaɱ ratanānaɱ pātubhāvo hoti.|| ||

Katamesaŋ sattannaɱ?|| ||

Cakka-ratanassa pātubhāvo hoti,||
hatthi-ratanassa pātubhāvo hoti,||
assa-ratanassa pātubhāvo hoti,||
maṇi-ratanassa pātubhāvo hoti,||
itthi-ratanassa pātubhāvo hoti,||
gahapati-ratanassa pātubhāvo hoti,||
parināyaka-ratanassa pātubhāvo hoti.|| ||

Rañño bhikkhave, cakkavattissa pātubhāvā imesaŋ sattannaɱ ratanānaɱ pātubhāvo hoti.|| ||

Tathāgatassa bhikkhave, pātubhāvā arahato sammāsambuddhassa sattannaɱ bojjhaŋga-ratanānaɱ pātubhāvo hoti.|| ||

Katamesaŋ sattannaɱ?|| ||

Sati-sambojjhaŋga-ratanassa pātubhāvo hoti||
dhamma-vicaya-sambojjhaŋga-ratanassa pātubhāvo hoti||
viriya-sambojjhaŋga-ratanassa pātubhāvo hoti||
pīti-sambojjhaŋga-ratanassa pātubhāvo hoti||
passaddhi-sambojjhaŋga-ratanassa pātubhāvo hoti||
samādhi-sambojjhaŋga-ratanassa pātubhāvo hoti||
upekhā-sambojjhaŋga-ratanassa pātubhāvo hoti.|| ||

Tathāgatassa bhikkhave, pātubhāvā arahato sammāsambuddhassa imesaŋ sattannaɱ bojjhaŋga-ratanānaɱ pātubhāvo hotī" ti.|| ||

 


Contact:
E-mail
Copyright Statement   Webmaster's Page