Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
46. Bojjhanga Saŋyutta
IV. Nīvaraṇa-Vaggo

Sutta 44

Duppañño Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Atha kho aññataro bhikkhu yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho so bhikkhu Bhagavantaɱ etad avoca:|| ||

"'Duppañño eḷamūgo!|| ||

Duppañño eḷamūgo!' ti bhante, vuccati.|| ||

Kittāvatā nu kho bhante,||
'duppañño eḷamūgo' ti vuccatī" ti?|| ||

Sattannaɱ kho bhikkhu,||
bojjhaŋgānaɱ abhāvitattā||
abahulīkatattā||
'duppañño eḷamūgo' ti vuccati.|| ||

Katamesaŋ [100] sattannaɱ?|| ||

Sati-sambojjhaŋgassa||
dhamma-vicaya-sambojjhaŋgassa||
viriya-sambojjhaŋgassa||
pīti-sambojjhaŋgassa||
passaddhi-sambojjhaŋgassa||
samādhi-sambojjhaŋgassa||
upekhā-sambojjhaŋgassa.|| ||

Imesaɱ kho bhikkhu, sattannaɱ bojjhaŋgānaɱ||
abhāvitattā||
abahulīkatattā||
'duppañño eḷamūgo' ti vuccatī" ti.|| ||

 


Contact:
E-mail
Copyright Statement   Webmaster's Page