Saŋyutta Nikāya,
V: MahāVagga
46. Bojjhanga Saŋyutta
IV. Nīvaraṇa-Vaggo
Sutta 49
Paṭhama Aŋga Suttaɱ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaɱ:|| ||
Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuɱ.|| ||
Bhagavā etad avoca:|| ||
"Ajjhattikaɱ bhikkhave, aŋganti karitvā nāññaɱ ekaŋgam pi samanupassāmi||
sattannaɱ bojjhaŋgānaɱ uppādāya||
yatha-y-idaɱ bhikkhave, yoniso-manasikāro.|| ||
Yoniso-manasikāra-sampannass'etaɱ bhikkhave,||
bhikkhuno pāṭikaŋkhaɱ satta bojjhaŋge bhāvessati||
satta bojjhaŋge bahulīkarissati.|| ||
Kathañ ca bhikkhave, bhikkhu yoniso-manasikāra-sampanno||
satta bojjhaŋge bhāveti,||
satta bojjhaŋge bahulīkaroti?|| ||
Idha bhikkhave, Bhikkhu||
sati-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||
Dhamma-vicaya-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||
Viriya-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||
Pīti-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||
Passaddhi-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||
Samādhi-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||
Upekkhā-sambojjhaŋgaɱ bhāveti,||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||
Evaɱ kho bhikkhave, bhikkhu yoniso-manasikāra-sampanno||
satta bojjhaŋge bhāveti,||
satta bojjhaŋge bahulīkarotī" ti.|| ||
