Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
47. Satipaṭṭhana Saŋyutta

Sutta 9

Gilāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayaɱ Bhagavā Vesāliyaɱ viharati Beluvagāmake.|| ||

Tatra kho Bhagavā bhikkhū āmantesi:|| ||

"Etha tumhe bhikkhave, sāmantā Vesāliyā||
yathā mittaɱ||
yathās sndiṭṭhaɱ||
yathā sambhattaɱ vassaŋ upetha.|| ||

Idh'evāhaɱ Beluvagāmake vassaŋ upagacchāmī" ti.|| ||

"Evaɱ bhante" ti kho te bhikkhū Bhagavato paṭisasutvā sāmantā Vesāliyā||
yathā mittaɱ||
yathā sandiṭṭhaɱ||
yathā sambhattaɱ vassaŋ upagañchuɱ.|| ||

Bhagavā pana tatth'eva Beluvagāmake vassaŋ upagañchī.|| ||

Atha kho Bhagavato vassūpagatassa kharo ābādho uppajji.|| ||

Bāḷhā vedanā vattanti māraṇantikā.|| ||

Tatra sudaɱ Bhagavā sato sampajāno adhivāsesi avihaññamāno.|| ||

Atha kho Bhagavato etad ahosi:|| ||

"Na kho pana me taɱ patirūpaɱ yo'haɱ anāmantetvā upaṭṭhāke,||
anapaloketvā bhikkhu-saŋghaɱ parinibbāyyeɱ.|| ||

Yan nūnāhaɱ imaɱ ābādhaɱ viriyena paṭippaṇāmetvā jīvitasankhāraɱ [153] adhiṭṭhāya vihareyyan" ti.|| ||

Atha kho Bhagavā taɱ ābādhaɱ viriyena paṭippaṇāmetvā jīvita-sankhāraɱ adhiṭṭhāya vihāsi.|| ||

Atha kho Bhagavā gilānā vuṭṭhito aciravuṭṭhito gelaññā nikkhāmitvā vihārā-pacchā chāyāyam paññatte āsane nisīdi.|| ||

Atha kho āyasmā Ānando yena Bhagavā ten'upasaŋkami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

"Diṭṭhā bhante, khamanīyaɱ,||
diṭṭhaɱ bhante, Bhagavato yāpanīyaɱ.|| ||

Api me bhante, madhurakajāto viya kāyo.|| ||

Disā pi me na pakkhāyanti.|| ||

Dhammā pi maɱ na paṭibhanti,||
Bhagavato gelaññena.|| ||

Api ca me bhante, ahosi:|| ||

'Kāci'd'eva assāsamattā.|| ||

Na tāva Bhagavā parinbbāyissati.|| ||

Na tāva Bhagavā bhikkhu-saŋghaɱ ārabbha kiñci'd'eva udāharatī'" ti.|| ||

"Kim pana dāni Ānanda bhikkhusaŋgho mayi paccāsiɱsati?|| ||

Desito Ānanda, mayā dhammo anantaraɱ abāhiraɱ katvā.|| ||

N'atth'Ānanda, Tathāgatassa dhammesu ācariyamuṭṭhi.|| ||

Yassa nūn'Ānanda, evam assa||
'ahaɱ bhikkhu-saŋghaɱ pariharissāmī' ti vā,||
'mam'uddesikā bhikkhu-saŋgho' ti vā||
so nūn'Ānanda, bhikkhu-saŋghaɱ ārabbha kiñci'd'eva udāhareyya.|| ||

Tathāgatassa kho Ānanda, na evaɱ hoti.|| ||

'Ahaɱ bhikkhu-saŋghaɱ pariharissāmī' ti vā||
'mam'uddesiko bhikkhu-saŋgho' ti vā,||
sakiɱ Ānanda, Tathāgato bhikkhu-saŋghaɱ ārabbha kiñci'd'eva udāharissati.|| ||

Etarahi kho panāham Ānanda, jiṇṇo vuddho mahallako addhagato vayo anuppatto āsītiyo me vasso vattati.|| ||

Seyyathā pi Ānanda, jarasakaṭaɱ vedhamissakena yāpeti.|| ||

Evam eva kho Ānanda, vedhamissakena maññe Tathāgatassa kāyo yāpeti.|| ||

[154] Yasmiɱ Ānanda, samaye Tathāgato sabbanimittānaɱ amanasikārā ekaccānaɱ vedanānaɱ nirodhā animittaɱ ceto-samādhiɱ upasampajja viharati.|| ||

Phāsutaraɱ Ānanda, tasmiɱ samaye Tathāgatassa kāyo hoti.|| ||

Tasmā ti h'Ānanda, attadīpā viharatha||
atta-saraṇā||
anañña-saraṇā,||
dhamma-dīpā||
dhamma-saraṇā||
anañña-saraṇā.|| ||

Kathañ c'Ānanda, bhikkhu attadīpo viharati atta-saraṇo||
anañña-saraṇo,||
dhamma-dīpo||
dhamma-saraṇo||
anañña-saraṇo?|| ||

Idh'Ānanda, bhikkhu||
kāye kāyānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Vedanāsu vedanānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Citte cittānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Dhammesu dhammānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Evaɱ kho Ānanda, bhikkhu atta-dīpo viharati||
atta-saraṇo||
anañña-saraṇo||
dhamma-dīpo||
dhamma-saraṇo||
anañña-saraṇo.|| ||

Ye hi keci Ānanda, etarahi vā||
mam'accaye vā||
atta-dīpā viharissanti||
atta-saraṇā||
anañña-saraṇā,||
dhamma-saraṇā||
anañña-saraṇā||
tama't'agge me te Ānanda,||
bhikkhu bhavissanti ye keci sikkhākāmā" ti.|| ||

 


Contact:
E-mail
Copyright Statement   Webmaster's Page