Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
47. Satipaṭṭhana Saŋyutta
2. Nālandāvaggo

Sutta 16

Uttiya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

Atha kho āyasmā Uttiyo yena Bhagavā ten'upasaŋkami|| ||

Upasaŋkamitvā Bhagavanataɱ abhivādetvā eka-m-antaɱ nisīdi.|| ||

Eka-m-antaɱ nisinno kho āyasmā Uttiyo Bhagavantaɱ etad avoca:|| ||

"Sādhu me bhante Bhagavā saŋkhittena dhammaɱ desetu.|| ||

Yam ahaɱ Bhagavato dhammaɱ sutvā||
eko||
vūpakaṭṭho||
appamatto||
ātāpī||
pahitatto vihareyyan" ti.|| ||

"Tasmāt iha tvaɱ Uttiya,||
ādimeva visodhehi kusalesu dhammesu.|| ||

Kocādi kusalānaɱ dhammānaɱ?|| ||

Sīlañ ca suvisuddhaɱ,||
diṭṭhi ca ujukā.|| ||

Yato kho te Uttiya, sīlañ ca suvisuddhaɱ bhavissati,||
diṭṭhi ca ujukā.|| ||

Tato tvaɱ Uttiya, sīlaɱ nissāya||
sīle patiṭṭhāya||
cattāro satipaṭṭhāne bhāveyyāsi.|| ||

Katame cattāro?|| ||

Idha Uttiya, bhikkhu kāye kāyānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Vedanāsu vedanānupassī viharati.|| ||

Ātāpī||
sampajāno||
satimā||
vineyya loke abhijjhādomanassaɱ.|| ||

Citte cittānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Dhammesu dhammānupassī viharati||
ātāpī||
sampajāno||
satimā||
vineyya loke abhijjhādomanassaɱ.|| ||

Yato kho tvaɱ Uttiya, sīlaɱ nissāya||
sīle patiṭṭhāya||
ime cattāro satipaṭṭhāne||
evaɱ bhāvessasi||
tato tvaɱ Uttiya, gamissasi maccudheyyassa pāran" ti.|| ||

Atha kho āyasmā Uttiyo Bhagavato bhāsitaɱ abhinanditvā anumoditvā uṭṭhāy āsanā Bhagavantaɱ abhivādetvā padakkhiṇaɱ katvā pakkāmi.|| ||

Atha kho āyasmā Uttiyo eko vūpakaṭṭho appamatto ātāpī pahitatto viharanto na cirass'eva yass'atthāya kuputtā samma'd'eva agārasmā anagāriyaɱ pabbajanti,||
tad anuttaraɱ brahmacariya-pariyosānaɱ diṭṭhe va dhamme sayaɱ abhiññā sacchi-katvā upasampajja vihāsi.|| ||

'Khīṇā jāti,||
vusitaɱ brahmacariyaɱ,||
kataɱ karaṇīyaɱ,||
nāparaɱ itthattāyā' ti abbhaññāsi.|| ||

Aññataro ca panāyasmā Uttiyo arahataɱ ahosī.|| ||

 


Contact:
E-mail
Copyright Statement   Webmaster's Page