Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya,
V: Mahā-Vagga
47. Satipaṭṭhana Saɱyutta
3. Sīlaṭṭhiti-Vagga

Sutta 21

Sīla Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh] Evam me sutaɱ:|| ||

Ekaɱ samayaɱ āyasmā ca Ānando āyasmā ca Bhaddo Pāṭaliputte viharanti Kukkuṭārāme.|| ||

Atha kho āyasmā Bhaddo sāyanha-samayaɱ paṭisallāṇā vuṭṭhito yen'āyasmā Ānando ten'upasankami.|| ||

Upasaŋkamitvā āyasmatā Ānandena saddhiɱ sammodi.|| ||

Sammodaṇīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho āyasmā Bhaddo||
āyasmantaɱ Ānandaɱ etad avoca:|| ||

"Yān'imāni āvuso Ānanda, kusalāni sīlāni vuttāni Bhagavatā,||
imāni kusalāni sīlāni||
kim atthiyāni vuttāni Bhagavatā" ti?|| ||

"Sādhu sādhu āvuso Bhadda!|| ||

Bhaddako kho te āvuso Bhadda!|| ||

UmMaggo, bhaddakaɱ paṭibhānaɱ,||
kalyāṇī paripucchā.|| ||

Evaɱ hi tvaɱ āvuso bhadda, pucchasi:|| ||

'Yān'imāni āvuso Ānanda, kusalāni sīlāni vuttāni Bhagavatā||
imāni kusalāni sīlāni||
kim atthiyāni vuttāni Bhagavatā?' ti?|| ||

"Evam āvuso" ti.|| ||

"Yān'imāni, āvuso Bhadda, kusalāni vuttāni Bhagavatā,||
imāni kusalāni sīlāni||
yāva-d-eva catunnaɱ sati-paṭṭhānānaɱ bhāvanāya vuttāni Bhagavatā.|| ||

Katamesaŋ catunnaɱ?

Idh'āvuso, bhikkhu kāye kāy'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Vedanāsu vedan'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Citte citt'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Dhammesu Dhamm'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Ekāyano ayaɱ bhikkhave, Maggo||
sattānaɱ visuddhiyā||
soka-pari-d-davānaɱ||
samati-k-kamāya||
dukkha-domanassānaɱ||
atthaŋ-gamāya||
ñāyassa adhigamāya||
Nibbānassa sacchi-kiriyāya.|| ||

[172] Yān'imāni āvuso bhadda, kusalāni sīlāni vuttāni Bhagavatā,||
imāni kusalāni sīlāni||
yāva-d-eva imesaŋ catunnaɱ sati-paṭṭhānānaɱ bhāvanāya vuttāni Bhagavatā" ti.

 


Contact:
E-mail
Copyright Statement