Parihāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evam me sutaɱ:|| ||

Ekaɱ samayaɱ āyasmā ca Ānando āyasmā ca Bhaddo Pāṭaliputte viharanti Kukkuṭ'ārāme.|| ||

Atha kho āyasmā Bhaddo sāyanha-samayaɱ paṭisallāṇā vuṭṭhito yen'āyasmā Ānando ten'upasankami.|| ||

Upasaŋkamitvā āyasmatā Ānandena saddhiɱ sammodi.|| ||

Sammodaṇīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho āyasmā Bhaddo||
āyasmantaɱ Ānandaɱ etad avoca:|| ||

"Ko nu kho āvuso Ānanda, hetu||
ko paccayo||
yena Tathāgate parinibbute||
Sad'Dhammo parihānaɱ hoti?|| ||

Ko pan'āvuso Ānanda, hetu||
ko paccayo||
yena Tathāgate parinibbute||
Sad'Dhammo aparihānaɱ hotī" ti?|| ||

"Sādhu sādhu āvuso Bhadda!|| ||

Bhaddako kho te āvuso Bhadda!|| ||

Ummaggo, bhaddakaɱ paṭibhānaɱ,||
kalyāṇī paripucchā.|| ||

Evaɱ hi tvaɱ āvuso Bhadda, pucchasi:|| ||

'Ko nu kho āvuso Ānanda, hetu||
ko paccayo||
yena Tathāgate parinibbute||
Sad'Dhammo parihānaɱ hoti?|| ||

Ko pan'āvuso Ānanda, hetu||
ko paccayo||
yena Tathāgate parinibbute||
Sad'Dhammo aparihānaɱ hotī' ti" ti?|| ||

"Evam āvuso" ti.|| ||

"Catunnaɱ kho āvuso, sati-paṭṭhānānaɱ abhāvitattā abahulī-katattā Tathāgate parinibbute Sad'Dhammo na cira-ṭ-ṭhitiko hoti.|| ||

Catukkañ ca āvuso sati-paṭṭhānānaɱ bhāvitattā bahulī-katattā Tathāgate parinibbute Sad'Dhammo cira-ṭ-ṭhitiko hoti.|| ||

Katamesaŋ catunnaɱ?

Idh'āvuso, bhikkhu kāye kāy'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Vedanāsu vedan'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Citte citt'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Dhammesu Dhamm'ānupassī viharati||
ātāpī||
sampajāno||
satimā||
vineyya loke abhijjhā-domanassaɱ.|| ||

Imesaɱ kho āvuso catunnaɱ sati-paṭṭhānānaɱ abhāvitattā abahulī-katattā Tathāgate parinibbute Sad'Dhammo parihānaɱ hoti.|| ||

Imesañ ca kho āvuso catunnaɱ sati-paṭṭhānānaɱ bhāvitattā bahulī-katattā Tathāgate parinibbute Sad'Dhammo aparihānaɱ hotī" ti.