Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya,
V: Mahā-Vagga
47. Satipaṭṭhana Saɱyutta
4. Anussuta-Vagga

Sutta 37

Chanda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than][olds] Evam me sutaɱ:|| ||

2. Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

3. Cattāro me bhikkhave, sati-paṭṭhānā.|| ||

Katame cattāro?|| ||

Idha bhikkhave, bhikkhu kāye kāy'ānupassī viharati ātāpī sampajāno satimā vineyya loke abhijjhā-domanassaɱ.|| ||

Tassa kāye kāy'ānupassino viharato yo kāyasmiɱ chando so pahīyati.|| ||

Chandassa pahānāya amataɱ sacchi-kataɱ hoti.|| ||

Vedanāsu vedan'ānupassī viharati ātāpī sampajāno satimā vineyya loke abhijjhā-domanassaɱ.|| ||

Tassa vedanāsu vedan'ānupassino viharato yo vedanāsu chando so pahīyati.|| ||

Chandassa pahānāya amataɱ sacchi-kataɱ hoti.|| ||

[182] Citte citt'ānupassī viharati ātāpī sampajāno satimā vineyya loke abhijjhā-domanassaɱ.|| ||

Tassa citte citt'ānupassino viharato yo cittasmiɱ chando so pahīyati.|| ||

Chandassa pahānāya amataɱ sacchi-kataɱ hoti.|| ||

Dhammesu Dhamm'ānupassī viharati ātāpī sampajāno satimā vineyya loke abhijjhā-domanassaɱ.|| ||

Tassa dhammesu Dhamm'ānupassino viharato yo dhammesu chando so pahīyati.|| ||

Chandassa pahānāya amataɱ sacchi-kataɱ hotī ti.|| ||

 


Contact:
E-mail
Copyright Statement