Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
47. Satipaṭṭhana Saŋyutta
4. Anussuta-Vagga

Sutta 40

Vibhaŋga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][bodh][than] Evam me sutaɱ:|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Satipaṭṭhānañ ca vo bhikkhave, desissāmi||
satipaṭṭhānaɱ bhāvanañ ca||
satipaṭṭhāna-bhāvanāgāminiñ ca paṭipadaɱ.|| ||

Taɱ suṇātha.|| ||

Katamañ ca bhikkhave, satipaṭṭhānaɱ?|| ||

Idha bhikkhave, bhikkhu kāye kāyānupassī viharati ātāpī sampajāno satimā vineyya loke abhijjhādomanassaɱ.|| ||

Vedanāsu vedanānupassī viharati ātāpī sampajāno satimā vineyya loke abhijjhādomanassaɱ.|| ||

Citte cittānupassī viharati ātāpī sampajāno satimā vineyya loke abhijjhādomanassaɱ.|| ||

Dhammesu dhammānupassī viharati ātāpī sampajāno satimā vineyya loke abhijjhādomanassaɱ.|| ||

Idaɱ vuccati bhikkhave satipaṭṭhānaɱ.|| ||

 


 

Katamā ca bhikkhave, satipaṭṭhānabhāvanā?|| ||

Idha bhikkhave, bhikkhu||
samudayadhammānupassī kāyasmiɱ viharati ātāpī sampajāno satimā vineyya loke abhijjhādomanassaɱ.|| ||

Vayadhammānupassī kāyasmiɱ viharati ātāpī sampajāno satimā vineyya loke abhijjhādomanassaɱ.|| ||

Samudayavayadhammānupassī kāyasmiɱ viharati ātāpī sampajāno satimā vineyya loke abhijjhādomanassaɱ.|| ||

Samudayadhammānupassī vedanāsu viharati ātāpī sampajāno satimā vineyya loke abhijjhādomanassaɱ.|| ||

Vayadhammānupassī vedanāsu viharati ātāpī sampajāno satimā vineyya loke abhijjhādomanassaɱ.|| ||

Samudayavayadhammānupassī vedanāsu viharati ātāpī sampajāno satimā vineyya loke abhijjhādomanassaɱ.|| ||

Samudayadhammānupassī cittasmiɱ viharati ātāpī sampajāno satimā vineyya loke abhijjhādomanassaɱ.|| ||

Vayadhammānupassī cittasmiɱ viharati ātāpī sampajāno satimā vineyya loke abhijjhādomanassaɱ.|| ||

Samudayavayadhammānupassī cittasmiɱ viharati ātāpī sampajāno satimā vineyya loke abhijjhādomanassaɱ.|| ||

Samudayadhammānupassī dhammesu Viharati ātāpī sampajāno satimā vineyya loke abhijjhādomanassaɱ.|| ||

Vayadhammānupassī dhammesu viharati ātāpī sampajāno satimā vineyya loke abhijjhādomanassaɱ.|| ||

Samudayavayadhammānupassī dhammesu viharati ātāpī sampajāno satimā vineyya loke abhijjhādomanassaɱ.|| ||

Ayaɱ vuccati bhikkhave, satipaṭṭhānabhāvanā.|| ||

Katamā ca bhikkhave, satipaṭṭhānabhāvanāgāminī paṭipadā?|| ||

Ayameva ariyo aṭṭhaŋgiko maggo.|| ||

Seyyathīdaɱ: sammādiṭṭhi sammāsaŋkappo sammāvācā sammākammanto sammāājīvo sammāvāyāmo sammasati sammāsamādhi.|| ||

Ayaɱ vuccati bhikkhave, satipaṭṭhānabhāvanāgāminīpaṭipadā ti.|| ||

 

Ananussutavaggo catuttho

 


Contact:
E-mail
Copyright Statement   Webmaster's Page