Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
47. Satipaṭṭhana Saŋyutta

Suttas 73-84

VIII. Balakaraṇīya-Vaggo

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 73

Bala Suttaɱ

i. Viveka

[73.1][pts Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ye keci balakaraṇīyā kammantā karīyanti,||
sabbe te paṭhaviɱ nissāya paṭhaviyaɱ patiṭṭhāya evam eva te balakaraṇīyā kammantā karīyanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti.|| ||

Kathañ ca Bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkarotī" ti.|| ||

 

§

 

ii. Rāga-vinaya

"Seyyathā pi bhikkhave, ye keci balakaraṇīyā kammantā karīyanti,||
sabbe te paṭhaviɱ nissāya paṭhaviyaɱ patiṭṭhāya evam eva te balakaraṇīyā kammantā karīyanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti.|| ||

Kathañ ca Bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkarotī" ti.|| ||

 

§

 

iii. Amata

"Seyyathā pi bhikkhave, ye keci balakaraṇīyā kammantā karīyanti,||
sabbe te paṭhaviɱ nissāya paṭhaviyaɱ patiṭṭhāya evam eva te balakaraṇīyā kammantā karīyanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti.|| ||

Kathañ ca Bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkarotī" ti.|| ||

 

§

 

iv. Nibbāna

"Seyyathā pi bhikkhave, ye keci balakaraṇīyā kammantā karīyanti,||
sabbe te paṭhaviɱ nissāya paṭhaviyaɱ patiṭṭhāya evam eva te balakaraṇīyā kammantā karīyanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti.|| ||

Kathañ ca Bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkarotī" ti.|| ||

 


 

Sutta 74

Bīja Suttaɱ

i. Viveka

[74.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ye keci bīja-gāma bhuta-gāmā vuddhiɱ viruḷhiɱ vepullaɱ āpajjanti.|| ||

Sabbe te paṭhaviɱ nissāya paṭhaviyāɱ patiṭṭhāya evam ete bīja-gāma bhūta-gāmā vuddhiɱ virūḷhiɱ vepullaɱ āpajjanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkarontā||
vuddhiɱ virūḷhiɱ vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 

§

 

ii. Rāga-vinaya

"Seyyathā pi bhikkhave, ye keci bīja-gāma bhuta-gāmā vuddhiɱ viruḷhiɱ vepullaɱ āpajjanti.|| ||

Sabbe te paṭhaviɱ nissāya paṭhaviyāɱ patiṭṭhāya evam ete bīja-gāma bhūta-gāmā vuddhiɱ virūḷhiɱ vepullaɱ āpajjanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkarontā||
vuddhiɱ virūḷhiɱ vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 

§

 

iii. Amata

"Seyyathā pi bhikkhave, ye keci bīja-gāma bhuta-gāmā vuddhiɱ viruḷhiɱ vepullaɱ āpajjanti.|| ||

Sabbe te paṭhaviɱ nissāya paṭhaviyāɱ patiṭṭhāya evam ete bīja-gāma bhūta-gāmā vuddhiɱ virūḷhiɱ vepullaɱ āpajjanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkarontā||
vuddhiɱ virūḷhiɱ vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 

§

 

iv. Nibbāna

"Seyyathā pi bhikkhave, ye keci bīja-gāma bhuta-gāmā vuddhiɱ viruḷhiɱ vepullaɱ āpajjanti.|| ||

Sabbe te paṭhaviɱ nissāya paṭhaviyāɱ patiṭṭhāya evam ete bīja-gāma bhūta-gāmā vuddhiɱ virūḷhiɱ vepullaɱ āpajjanti.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkarontā||
vuddhiɱ virūḷhiɱ vepullaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 


 

Sutta 75

Nāga Suttaɱ

i. Viveka

[75.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, himavantaɱ pabbatarājaɱ nissāya nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā balaɱ gāhetvā kussubbhe otaranti.|| ||

Kussubbhe otaritvā mahāsobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahānadiyo otaranti.|| ||

Mahānadiyo otaritvā mahāsamuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 

§

 

ii. Rāga-vinaya

"Seyyathā pi bhikkhave, himavantaɱ pabbatarājaɱ nissāya nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā balaɱ gāhetvā kussubbhe otaranti.|| ||

Kussubbhe otaritvā mahāsobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahānadiyo otaranti.|| ||

Mahānadiyo otaritvā mahāsamuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 

§

 

iii. Amata

"Seyyathā pi bhikkhave, himavantaɱ pabbatarājaɱ nissāya nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā balaɱ gāhetvā kussubbhe otaranti.|| ||

Kussubbhe otaritvā mahāsobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahānadiyo otaranti.|| ||

Mahānadiyo otaritvā mahāsamuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 

§

 

iv. Nibbāna

"Seyyathā pi bhikkhave, himavantaɱ pabbatarājaɱ nissāya nāgā kāyaɱ vaḍḍhanti,||
balaɱ gāhenti.|| ||

Te tattha kāyaɱ vaḍḍhetvā balaɱ gāhetvā kussubbhe otaranti.|| ||

Kussubbhe otaritvā mahāsobbhe otaranti.|| ||

Mahāsobbhe otaritvā kunnadiyo otaranti|| ||

Kunnadiyo otaritvā mahānadiyo otaranti.|| ||

Mahānadiyo otaritvā mahāsamuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

Evam eva kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāvento||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesu?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhu sīlaɱ nissāya sīle patiṭṭhāya cattaro satipaṭṭhāne bhāveti,||
cattaro satipaṭṭhāne bahulīkaronto||
mahantaɱ vepullattaɱ pāpuṇāti dhammesū" ti.|| ||

 


 

Sutta 76

Rukkha Suttaɱ

i. Viveka

[76.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, rukkho pācīnaninno pācīna poṇo pācīnapabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo yena pabbhāro" ti.|| ||

"Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
nibbānaninno hoti||
nibbānapoṇo nibbānapabbhāro" ti.|| ||

 

§

 

ii. Rāga-vinaya

"Seyyathā pi bhikkhave, rukkho pācīnaninno pācīna poṇo pācīnapabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo yena pabbhāro" ti.|| ||

"Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
nibbānaninno hoti||
nibbānapoṇo nibbānapabbhāro" ti.|| ||

 

§

 

iii. Amata

"Seyyathā pi bhikkhave, rukkho pācīnaninno pācīna poṇo pācīnapabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo yena pabbhāro" ti.|| ||

"Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
nibbānaninno hoti||
nibbānapoṇo nibbānapabbhāro" ti.|| ||

 

§

 

iv. Nibbāna

"Seyyathā pi bhikkhave, rukkho pācīnaninno pācīna poṇo pācīnapabbhāro.|| ||

So mūle chinno katamena papātena papateyyā" ti?|| ||

"Yena bhante, ninno yena poṇo yena pabbhāro" ti.|| ||

"Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
nibbānaninno hoti||
nibbānapoṇo nibbānapabbhāro?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
nibbānaninno hoti||
nibbānapoṇo nibbānapabbhāro" ti.|| ||

 


 

Sutta 77

Kumbha Suttaɱ

i. Viveka

[77.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, kumbho nikkujjo vamat'eva udakaɱ||
no paccāvamati.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
vāmateva pāpake akusale dhamme||
no paccāvamatī ti.|| ||

 

§

 

ii. Rāga-vinaya

"Seyyathā pi bhikkhave, kumbho nikkujjo vamat'eva udakaɱ||
no paccāvamati.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
vāmateva pāpake akusale dhamme||
no paccāvamatī ti.|| ||

 

§

 

iii. Amata

"Seyyathā pi bhikkhave, kumbho nikkujjo vamat'eva udakaɱ||
no paccāvamati.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
vāmateva pāpake akusale dhamme||
no paccāvamatī ti.|| ||

 

§

 

iv. Nibbāna

"Seyyathā pi bhikkhave, kumbho nikkujjo vamat'eva udakaɱ||
no paccāvamati.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
vamat'eva pāpake akusale dhamme||
no paccāvamati?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto,||
vāmateva pāpake akusale dhamme||
no paccāvamatī ti.|| ||

 


 

Sutta 78

Sūka Suttaɱ

i. Viveka

[78.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ chijjhati||
vijjaɱ uppādessati||
nibbānaɱ sacchikarissatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikaroti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikarotī" ti.|| ||

 

§

 

ii. Rāga-vinaya

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ chijjhati||
vijjaɱ uppādessati||
nibbānaɱ sacchikarissatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikaroti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikarotī" ti.|| ||

 

§

 

iii. Amata

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ chijjhati||
vijjaɱ uppādessati||
nibbānaɱ sacchikarissatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikaroti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikarotī" ti.|| ||

 

§

 

iv. Nibbāna

"Seyyathā pi bhikkhave, sālisūkaɱ vā||
yavasūkaɱ vā||
sammā paṇihitaɱ hatthena vā||
pāpadena vā||
akkantaɱ hatthaɱ vā||
pādaɱ vā||
chijjhati lohitaɱ vā||
uppādessatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

Evam eva kho so vata bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ chijjhati||
vijjaɱ uppādessati||
nibbānaɱ sacchikarissatī ti.|| ||

Ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikaroti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhu sammā paṇihitāya diṭṭhiyā||
sammā paṇihitāya maggabhāvanāya||
avijjaɱ bhindati||
vijjaɱ uppādeti||
nibbānaɱ sacchikarotī" ti.|| ||

 


 

Sutta 79

Ākāsa Suttaɱ

i. Viveka

[79.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti" ti.|| ||

 

§

 

ii. Rāga-vinaya

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti" ti.|| ||

 

§

 

iii. Amata

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti" ti.|| ||

 

§

 

iv. Nibbāna

"Seyyathā pi bhikkhave, ākāse vividhā vātā vāyanti.|| ||

Puratthimā pi vātā vāyanti.|| ||

Pacchimā pi vātā vāyanti.|| ||

Uttarā pi vātā vāyanti.|| ||

Dakkhiṇā pi vātā vāyanti.|| ||

Sarajā pi vātā vāyanti.|| ||

Arajā pi vātā vāyanti.|| ||

Sītā pi vātā vāyanti.|| ||

Uṇhā pi vātā vāyanti.|| ||

Parittā pi vātā vāyanti.|| ||

Adhimattā pi vātā vāyanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
cattāro pi satipaṭṭhānā bhāvanā pāripuriɱ gacchanti;||
cattāro pi sammappadhānā bhāvanā pāripūriɱ gacchanti;||
cattāro pi iddhipādā bhāvatā pāripūriɱ gacchanti;||
pañca pi indriyāni bhāvanā pāripūriɱ gacchanti;||
pañca pi balāni bhāvanā pāripūriɱ gacchanti;||
sattapi bojjhaŋgā bhāvanā pāripūriɱ gacchanti" ti.|| ||

 


 

Sutta 80

Paṭhama Megha Suttaɱ

i. Viveka

[80.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 

§

 

ii. Rāga-vinaya

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 

§

 

iii. Amata

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 

§

 

iv. Nibbāna

"Seyyathā pi bhikkhave, gimhānaɱ pacchime māse uggataɱ rajojallaɱ.|| ||

Tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti vūpasamapeti.|| ||

Kathañ ca bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||

 


 

Sutta 81

Dutiya Megha Suttaɱ

i. Viveka

[81.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, uppannaɱ mahāmeghaɱ,||
tamenaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 

§

 

ii. Rāga-vinaya

"Seyyathā pi bhikkhave, uppannaɱ mahāmeghaɱ,||
tamenaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 

§

 

iii. Amata

"Seyyathā pi bhikkhave, uppannaɱ mahāmeghaɱ,||
tamenaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 

§

 

iv. Nibbāna

"Seyyathā pi bhikkhave, uppannaɱ mahāmeghaɱ,||
tamenaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti.|| ||

Kathañ ca Bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
uppannuppanne pāpake akusale dhamme antarāy'eva antaradhāpeti, vūpasameti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
uppannuppanne pāpake akusale dhamme antarāyeva antaradhāpeti vūpasametī" ti.|| ||

 


 

Sutta 82

Nāvā Suttaɱ

i. Viveka

[82.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vātātapaparetāni bandhanāni tāni pāvussakena meghena abhippavuṭṭhāni appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavantī" ti.|| ||

 

§

 

ii. Rāga-vinaya

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vātātapaparetāni bandhanāni tāni pāvussakena meghena abhippavuṭṭhāni appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavantī" ti.|| ||

 

§

 

iii. Amata

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vātātapaparetāni bandhanāni tāni pāvussakena meghena abhippavuṭṭhāni appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavantī" ti.|| ||

 

§

 

iv. Nibbāna

"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaɱ ukkhitāya vātātapaparetāni bandhanāni tāni pāvussakena meghena abhippavuṭṭhāni appakasirena paṭippassambhanti pūtikāni bhavanti.|| ||

Evam eva kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyejanāni paṭippassambhanti pūtikāni bhavanti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaroto||
appakasiren'eva saŋyojanāni paṭippassambhanti pūtikāni bhavantī" ti.|| ||

 


 

Sutta 83

Āgantuka Suttaɱ

i. Viveka

[83.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchikātabbā,||
te dhamme abhiññā sacchikaroti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañcupādānakkhandhā tissa vacanīyā.|| ||

Katame pañca?|| ||

Seyyathīdaɱ:|| ||

Rūp'ūpādānakkhandho||
vedan'ūpādānakkhandho||
saññ'ūpādānakkhandho||
sankhār'ūpādānakkhandho||
viññāṇ'ūpādānakkhandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchikātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchikātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
cattaro satipaṭṭhāne bahulīkaronto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaronto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 

§

 

ii. Rāga-vinaya

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchikātabbā,||
te dhamme abhiññā sacchikaroti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañcupādānakkhandhā tissa vacanīyā.|| ||

Katame pañca?|| ||

Seyyathīdaɱ:|| ||

Rūp'ūpādānakkhandho||
vedan'ūpādānakkhandho||
saññ'ūpādānakkhandho||
sankhār'ūpādānakkhandho||
viññāṇ'ūpādānakkhandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchikātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchikātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
cattaro satipaṭṭhāne bahulīkaronto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaronto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 

§

 

iii. Amata

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchikātabbā,||
te dhamme abhiññā sacchikaroti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañcupādānakkhandhā tissa vacanīyā.|| ||

Katame pañca?|| ||

Seyyathīdaɱ:|| ||

Rūp'ūpādānakkhandho||
vedan'ūpādānakkhandho||
saññ'ūpādānakkhandho||
sankhār'ūpādānakkhandho||
viññāṇ'ūpādānakkhandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchikātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchikātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
cattaro satipaṭṭhāne bahulīkaronto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaronto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 

§

 

iv. Nibbāna

"Seyyathā pi bhikkhave, āgantukāgāraɱ,||
tattha puratthimāya disāya āgantvā vāsaŋ kappenti.|| ||

Pacchimāya pi disāya āgantā vā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi āgantvā disāya vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
ye dhammā abhiññā pariññeyyā||
te dhamme abhiññā parijānāti.|| ||

Ye'dhammā abhiññā pahātabbā,||
te dhamme abhiññā pajahati.|| ||

Ye'dhammā abhiññā sacchikātabbā,||
te dhamme abhiññā sacchikaroti.|| ||

Ye'dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave, dhammā abhiññā1 pariññeyyā?|| ||

Pañcupādānakkhandhā tissa vacanīyā.|| ||

Katame pañca?|| ||

Seyyathīdaɱ:|| ||

Rūp'ūpādānakkhandho||
vedan'ūpādānakkhandho||
saññ'ūpādānakkhandho||
sankhār'ūpādānakkhandho||
viññāṇ'ūpādānakkhandho.|| ||

Ime kho bhikkhave, dhammā abhiññā pariññeyyā.|| ||

Katame ca bhikkhave, dhammā abhiññā pahātabbā?|| ||

Avijjā ca bhava-taṇhā ca.|| ||

Ime bhikkhave, dhammā abhiññā pahātabbā.|| ||

Katame ca bhikkhave, dhammā abhiññā sacchikātabbā?|| ||

Vijjā ca vimutti ca.|| ||

Ime bhikkhave, dhammā abhiññā sacchikātabbā.|| ||

Katame ca bhikkhave, dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave, dhammā abhiññā bhāvetabbā.|| ||

Kathañ ca bhikkhave, bhikkhu ariyaɱ aṭṭhaŋgikaɱ Maggaɱ bhāvento||
cattaro satipaṭṭhāne bahulīkaronto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhuno cattaro satipaṭṭhāne bhāvayato||
cattaro satipaṭṭhāne bahulīkaronto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññāsacchikaroti;||
ye dhammā abhiññā bhāvetabbā,||
te dhamme abhiññā bhāveti" ti.|| ||

 


 

Sutta 84

Nadī Suttaɱ

i. Viveka

[84.1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi, bhikkhave, Gaŋgā nadī||
pācīnaninnā||
pācīnapoṇā||
pācīnapabbhārā.|| ||

Atha mahā janakāyo āgaccheyya,||
kuddālapiṭakaɱ ādāya mayaɱ imaɱ Gaŋgānadiɱ||
pacchāninnaɱ karissāma||
pacchāpoṇaɱ||
pacchāpabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchāninnaɱ kareyya||
pacchāpoṇaɱ pacchāpabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīnaninnā||
pācīnapoṇā||
pācīnapabbhārā.|| ||

Na sukarā pacchāninnaɱ kātuɱ||
pacchāpoṇaɱ||
pacchāpabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ cattaro satipaṭṭhāne bhāventaɱ||
cattaro satipaṭṭhāne bahulīkarontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnāyāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
sikkhaɱ paccakkhāya hīnāyāvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ vivekaninnaɱ||
vivekapoṇaɱ||
vivekapabbhāraɱ.|| ||

Taɱ vata hīnāyāvattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Vedanāsu vedanānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Citte cittānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ;|| ||

Dhammesu dhammānupassī viharati||
viveka-nissitaɱ,||
virāga-nissitaɱ,||
nirodha-nissitaɱ,||
vossagga-pariṇāmiɱ.|| ||

Evaɱ kho bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti" ti.|| ||

 

§

 

ii. Rāga-vinaya

"Seyyathā pi, bhikkhave, Gaŋgā nadī||
pācīnaninnā||
pācīnapoṇā||
pācīnapabbhārā.|| ||

Atha mahā janakāyo āgaccheyya,||
kuddālapiṭakaɱ ādāya mayaɱ imaɱ Gaŋgānadiɱ||
pacchāninnaɱ karissāma||
pacchāpoṇaɱ||
pacchāpabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchāninnaɱ kareyya||
pacchāpoṇaɱ pacchāpabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīnaninnā||
pācīnapoṇā||
pācīnapabbhārā.|| ||

Na sukarā pacchāninnaɱ kātuɱ||
pacchāpoṇaɱ||
pacchāpabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ cattaro satipaṭṭhāne bhāventaɱ||
cattaro satipaṭṭhāne bahulīkarontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnāyāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
sikkhaɱ paccakkhāya hīnāyāvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ vivekaninnaɱ||
vivekapoṇaɱ||
vivekapabbhāraɱ.|| ||

Taɱ vata hīnāyāvattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Vedanāsu vedanānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Citte cittānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ;|| ||

Dhammesu dhammānupassī viharati||
rāga-vinaya-pariyosānaɱ||
dosa-vinaya-pariyosānaɱ||
moha-vinaya-pariyosānaɱ.|| ||

Evaɱ kho bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti" ti.|| ||

 

§

 

iii. Amata

"Seyyathā pi, bhikkhave, Gaŋgā nadī||
pācīnaninnā||
pācīnapoṇā||
pācīnapabbhārā.|| ||

Atha mahā janakāyo āgaccheyya,||
kuddālapiṭakaɱ ādāya mayaɱ imaɱ Gaŋgānadiɱ||
pacchāninnaɱ karissāma||
pacchāpoṇaɱ||
pacchāpabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchāninnaɱ kareyya||
pacchāpoṇaɱ pacchāpabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīnaninnā||
pācīnapoṇā||
pācīnapabbhārā.|| ||

Na sukarā pacchāninnaɱ kātuɱ||
pacchāpoṇaɱ||
pacchāpabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ cattaro satipaṭṭhāne bhāventaɱ||
cattaro satipaṭṭhāne bahulīkarontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnāyāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
sikkhaɱ paccakkhāya hīnāyāvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ vivekaninnaɱ||
vivekapoṇaɱ||
vivekapabbhāraɱ.|| ||

Taɱ vata hīnāyāvattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Vedanāsu vedanānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Citte cittānupassī viharati||
amato-gadhaɱ||
amata-parāyaṇaɱ||
amata-pariyosānaɱ;|| ||

Dhammesu dhammānupassī viharati||
amato-gadhaɱ||
amata-parāyaṇaɱ||
amata-pariyosānaɱ.|| ||

Evaɱ kho bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti" ti.|| ||

 

§

 

iv. Nibbāna

"Seyyathā pi, bhikkhave, Gaŋgā nadī||
pācīnaninnā||
pācīnapoṇā||
pācīnapabbhārā.|| ||

Atha mahā janakāyo āgaccheyya,||
kuddālapiṭakaɱ ādāya mayaɱ imaɱ Gaŋgānadiɱ||
pacchāninnaɱ karissāma||
pacchāpoṇaɱ||
pacchāpabbhāran ti.|| ||

Taɱ kim maññatha bhikkhave?|| ||

Api nu so mahā janakāyo taɱ Gaŋgānadiɱ pacchāninnaɱ kareyya||
pacchāpoṇaɱ pacchāpabbhāran" ti?|| ||

"No h'etaɱ bhante.|| ||

Taɱ kissa hetu?|| ||

Gaŋgā bhante, nadī||
pācīnaninnā||
pācīnapoṇā||
pācīnapabbhārā.|| ||

Na sukarā pacchāninnaɱ kātuɱ||
pacchāpoṇaɱ||
pacchāpabbhāraɱ.|| ||

Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||

Evam eva kho bhikkhave, bhikkhuɱ cattaro satipaṭṭhāne bhāventaɱ||
cattaro satipaṭṭhāne bahulīkarontaɱ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuɱ pavāreyyuɱ.|| ||

Ehambho purisa, kiɱ te ime kāsāvā anudahanti.|| ||

Kiɱ muṇḍo kapālam anusañcarasi.|| ||

'Ehi hīnāyāvattitvā bhoge ca bhuñjassu,||
puññāni ca karohī' ti.|| ||

So vata bhikkhave, bhikkhu cattaro satipaṭṭhāne bhāvento||
cattaro satipaṭṭhāne bahulīkaronto||
sikkhaɱ paccakkhāya hīnāyāvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave, cittaɱ dīgha-rattaɱ vivekaninnaɱ||
vivekapoṇaɱ||
vivekapabbhāraɱ.|| ||

Taɱ vata hīnāyāvattissatī ti n'etaɱ ṭhānaɱ vijjati.|| ||

Kathañ ca bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti?|| ||

Idha bhikkhave, bhikkhu kāye kāyānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Vedanāsu vedanānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Citte cittānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ;|| ||

Dhammesu dhammānupassī viharati||
nibbāna-ninnaɱ||
nibbāna-poṇaɱ||
nibbāna-pabbhāraɱ.|| ||

Evaɱ kho bhikkhave, bhikkhu cattaro satipaṭṭhāne bhāveti||
cattaro satipaṭṭhāne bahulīkaroti" ti.|| ||


Contact:
E-mail
Copyright Statement   Webmaster's Page