Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
II. Mudatara-vaggo

Sutta 13

Dutiya Saŋkhitta Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Pañcimāni bhikkhave, indriyāni.|| ||

Katamāni pañca?|| ||

Saddhindriyaɱ,||
viriyindriyaɱ,||
satindriyaɱ,||
samādhindriyaɱ,||
paññindriyaɱ.|| ||

Imāni kho bhikkhave, pañcindriyāni.|| ||

Imesaɱ kho bhikkhave, pañcannaɱ indriyānaɱ samattā paripūrattā arahaɱ hoti.|| ||

Tato mudutarehi anāgāmī hoti.|| ||

Tato mudutarehi sakadāgāmī hoti.|| ||

Tato mudutarehi sotāpanno hoti.|| ||

Tato mudutarehi dhammānusārī hoti.|| ||

Tato mudutarehi sadadhānusārī hotī|| ||

Iti kho bhikkhave, indriya-vematattā phala-vematattā hoti,||
bala-vematattā||
puggala-vematattā hoti" ti.|| ||

 


Contact:
E-mail
Copyright Statement   Webmaster's Page