Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
III. Chaḷindriya-vaggo

Sutta 21

Nabbhava (or Ñānavā or Punabbhava) Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Pañcimāni bhikkhave, indriyāni.|| ||

Katamāni pañca?|| ||

Saddhindriyaɱ,||
viriyindriyaɱ,||
satindriyaɱ,||
samādhindriyaɱ,||
paññindriyaɱ.|| ||

Imāni kho bhikkhave, pañcindriyāni.|| ||

Yāva kīvāñcahaɱ bhikkhave, imesaŋ pañcannaɱ indriyānaɱ samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathā-bhūtaɱ na abhaññāsiɱ,||
[204] n'eva tāvāhaɱ bhikkhave,||
sadevake loke samārake sabrahmake||
sassamaṇa-brāhmaṇiyā pajāya||
sadeva-manussāya||
anuttaraɱ sammāsambodhiɱ||
abhisambuddho paccaññāsiɱ.|| ||

Yato ca kho'haɱ bhikkhave, imesaŋ pañcannaɱ indriyānaɱ samudayañ ca||
atthagamañ ca||
assādañ ca||
ādīnavañ ca||
nissaraṇañ ca||
yathā-bhūtaɱ abbhaññāsiɱ,||
athāhaɱ bhikkhave,||
sadevake loke samārake sabrahmake||
sassamaṇa-brāhmaṇiyā pajāya||
sadeva-manussāya||
anuttaraɱ sammāsambodhiɱ||
abhisambuddho paccaññāsiɱ.|| ||

Ñāṇañ ca pana me dassanaɱ udapādi:|| ||

Akuppā me cetovimutti,||
ayam antimā jāti,||
n'atthi dāni punabbhavo" ti.|| ||

 


Contact:
E-mail
Copyright Statement   Webmaster's Page