Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
III. Chaḷindriya-vaggo

Sutta 30

Dutiya Samaṇabrāhmaṇā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Ye hi keci, bhikkhave, samaṇā vā brāhmaṇā vā||
cakkhundriyaɱ na pajānanti,||
cakkhundriya-samudayaɱ na pajānanti,||
cakkhundriya-nirodhaɱ na pajānanti,||
cakkhundriya-nirodha-gāminī-paṭipadaɱ na pajānanti;|| ||

Sotandriyaɱ na pajānanti,||
sotandriya-samudayaɱ na pajānanti,||
sotandriya-nirodhaɱ na pajānanti,||
sotandriya-nirodha-gāminī-paṭipadaɱ na pajānanti;|| ||

Ghānindriyaɱ na pajānanti,||
ghānindriya-samudayaɱ na pajānanti,||
ghānindriya-nirodhaɱ na pajānanti,||
ghānindriya-nirodha-gāminī-paṭipadaɱ na pajānanti;|| ||

Jivhindriyaɱ na pajānanti,||
jivhindriya-samudayaɱ na pajānanti,||
jivhindriya-nirodhaɱ na pajānanti,||
jivhindriya-nirodha-gāminī-paṭipadaɱ na pajānanti;|| ||

Kāyindriyaɱ na pajānanti,||
kāyindriya-samudayaɱ na pajānanti,||
kāyindriya-nirodhaɱ na pajānanti,||
kāyindriya-nirodha-gāminī-paṭipadaɱ na pajānanti;|| ||

Manindriyaɱ na pajānanti,||
manindriya-samudayaɱ na pajānanti,||
manindriya-nirodhaɱ na pajānanti,||
manindriya-nirodha-gāminī-paṭipadaɱ na pajānanti;|| ||

na me te bhikkhave samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

 


 

"Ye ca kho keci, bhikkhave, samaṇā vā brāhmaṇā vā||
cakkhundriyaɱ pajānanti,||
cakkhundriya-samudayaɱ pajānanti,||
cakkhundriya-nirodhaɱ pajānanti,||
cakkhundriya-nirodha-gāminī-paṭipadaɱ pajānanti;|| ||

Sotandriyaɱ pajānanti,||
sotandriya-samudayaɱ pajānanti,||
sotandriya-nirodhaɱ pajānanti,||
sotandriya-nirodha-gāminī-paṭipadaɱ pajānanti;|| ||

Ghānindriyaɱ pajānanti,||
ghānindriya-samudayaɱ pajānanti,||
ghānindriya-nirodhaɱ pajānanti,||
ghānindriya-nirodha-gāminī-paṭipadaɱ pajānanti;|| ||

Jivhindriyaɱ pajānanti,||
jivhindriya-samudayaɱ pajānanti,||
jivhindriya-nirodhaɱ pajānanti,||
jivhindriya-nirodha-gāminī-paṭipadaɱ pajānanti;|| ||

Kāyindriyaɱ pajānanti,||
kāyindriya-samudayaɱ pajānanti,||
kāyindriya-nirodhaɱ pajānanti,||
kāyindriya-nirodha-gāminī-paṭipadaɱ pajānanti;|| ||

Manindriyaɱ pajānanti,||
manindriya-samudayaɱ pajānanti,||
manindriya-nirodhaɱ pajānanti,||
manindriya-nirodha-gāminī-paṭipadaɱ pajānanti;|| ||

[207] Ye ca kho kici bhikkhave, samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
te ca panāyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññāsacchi-katvā upasampajja viharantī" ti.|| ||

 


Contact:
E-mail
Copyright Statement   Webmaster's Page