Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
IV. Sukhindriya (or Uppaṭi) -vagga

Sutta 35

Dutiya Sammaṇabrāhmaṇa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'imāni, bhikkhave, indriyāni.|| ||

Katamāni pañca?|| ||

Sukh'indriyaɱ||
dukkh'indriyaɱ||
somanass'indriyaɱ||
domanass'indriyaɱ||
upekkh'indriyaɱ.|| ||

Imāni kho bhikkhave, pañc'indriyānī|| ||

"Ye hi keci, bhikkhave, samaṇā vā brāhmaṇā vā||
sukh'indriyaɱ na pajānanti,||
sukh'indriyaɱ-samudayaɱ na pajānanti,||
sukh'indriyaɱ-nirodhaɱ na pajānanti,||
sukh'indriyaɱ-nirodha-gāminī-paṭipadaɱ na pajānanti;|| ||

Dukkh'indriyaɱ na pajānanti,||
dukkh'indriyaɱ-samudayaɱ na pajānanti,||
dukkh'indriyaɱ-nirodhaɱ na pajānanti,||
dukkh'indriyaɱ-nirodha-gāminī-paṭipadaɱ na pajānanti;|| ||

Somanass'indriyaɱ na pajānanti,||
somanass'indriyaɱ-samudayaɱ na pajānanti,||
somanass'indriyaɱ-nirodhaɱ na pajānanti,||
v-nirodha-gāminī-paṭipadaɱ na pajānanti;|| ||

Domanass'indriyaɱ na pajānanti,||
domanass'indriyaɱ-samudayaɱ na pajānanti,||
domanass'indriyaɱ-nirodhaɱ na pajānanti,||
domanass'indriyaɱ-nirodha-gāminī-paṭipadaɱ na pajānanti;|| ||

Upekkh'indriyaɱ na pajānanti,||
upekkh'indriyaɱ-samudayaɱ na pajānanti,||
upekkh'indriyaɱ-nirodhaɱ na pajānanti,||
upekkh'indriyaɱ-nirodha-gāminī-paṭipadaɱ na pajānanti;|| ||

na me te bhikkhave samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
na ca pana te āyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññā sacchi-katvā upasampajja viharanti.|| ||

 


 

"Ye ca kho keci, bhikkhave, samaṇā vā brāhmaṇā vā||
sukh'indriyaɱ pajānanti,||
sukh'indriyaɱ-samudayaɱ pajānanti,||
sukh'indriyaɱ-nirodhaɱ pajānanti,||
sukh'indriyaɱ-nirodha-gāminī-paṭipadaɱ pajānanti;|| ||

Dukkh'indriyaɱ pajānanti,||
dukkh'indriyaɱ-samudayaɱ pajānanti,||
dukkh'indriyaɱ-nirodhaɱ pajānanti,||
dukkh'indriyaɱ-nirodha-gāminī-paṭipadaɱ pajānanti;|| ||

Somanass'indriyaɱ pajānanti,||
somanass'indriyaɱ-samudayaɱ pajānanti,||
somanass'indriyaɱ-nirodhaɱ pajānanti,||
somanass'indriyaɱ-nirodha-gāminī-paṭipadaɱ pajānanti;|| ||

Domanass'indriyaɱ pajānanti,||
domanass'indriyaɱ-samudayaɱ pajānanti,||
domanass'indriyaɱ-nirodhaɱ pajānanti,||
domanass'indriyaɱ-nirodha-gāminī-paṭipadaɱ pajānanti;|| ||

Upekkh'indriyaɱ pajānanti,||
upekkh'indriyaɱ-samudayaɱ pajānanti,||
upekkh'indriyaɱ-nirodhaɱ pajānanti,||
upekkh'indriyaɱ-nirodha-gāminī-paṭipadaɱ pajānanti;|| ||

Ye ca kho kici bhikkhave, samaṇā vā brāhmaṇā vā||
samaṇesu vā samaṇa-sammatā||
brāhmaṇesu vā brāhmaṇa-sammatā||
te ca panāyasmanto sāmaññatthaɱ vā brahmaññatthaɱ vā||
diṭṭhe va dhamme sayaɱ abhiññāsacchi-katvā upasampajja viharantī" ti.|| ||

 


Contact:
E-mail
Copyright Statement   Webmaster's Page