Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
IV. Sukhindriya (or Uppaṭi) -vagga

Sutta 37

Dutiya Vibhaŋga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'imāni, bhikkhave, indriyāni.|| ||

Katamāni pañca?|| ||

Sukh'indriyaɱ||
dukkh'indriyaɱ||
somanass'indriyaɱ||
domanass'indriyaɱ||
upekkh'indriyaɱ.|| ||

Imāni kho bhikkhave, pañc'indriyānī|| ||

[210]Katamañ ca bhikkhave, sukhindriyaɱ?|| ||

Yaɱ kho bhikkhave,||
kāyikaɱ sukhaɱ,||
kāyikaɱ sātaɱ||
kāya-samphassajaɱ||
sukhaɱ sātaɱ vedayitaɱ,||
idaɱ vuccati bhikkhave, 'sukh'indriyaɱ'.|| ||

Katamañ ca bhikkhave, dukkh'indriyaɱ?|| ||

Yaɱ kho bhikkhave,||
kāyikaɱ dukkhaɱ,||
kāyikaɱ asātaɱ||
kāya-samphassajaɱ||
sukhaɱ asātaɱ vedayitaɱ,||
idaɱ vuccati bhikkhave, 'dukkh'indriyaɱ'.|| ||

Katamañ ca bhikkhave, somanass'indriyaɱ?|| ||

Yaɱ kho bhikkhave,||
cetasikaɱ sukhaɱ,||
cetasikaɱ sātaɱ||
mano-samphassajaɱ||
sukhaɱ sātaɱ vedayitaɱ,||
idaɱ vuccati bhikkhave, 'somanass'indriyaɱ'.|| ||

Katamañ ca bhikkhave, domanass'indriyaɱ?|| ||

Yaɱ kho bhikkhave,||
cetasikaɱ dukkhaɱ,||
cetasikaɱ asātaɱ||
mano-samphassajaɱ||
dukkhaɱ asātaɱ vedayitaɱ,||
idaɱ vuccati bhikkhave, domanass'indriyaɱ.|| ||

Katamañ ca bhikkhave, upekkh'indriyaɱ?|| ||

Yaɱ kho bhikkhave,||
kāyikaɱ vā||
cetasikaɱ vā||
n'eva sātaɱ nāsātaɱ vedayitaɱ,||
idaɱ vuccati bhikkhave, 'upekkh'indriyaɱ'.|| ||

Tatra, bhikkhave, yañ ca sukh'indriyaɱ||
yañ ca somanass'indriyaɱ||
sukhā sā vedanā daṭṭhabbā.|| ||

Yaṇ ca dukkh'indriyaɱ||
yañ ca domanass'indriyaɱ||
dukkhā sā vedanā daṭṭhabbā.|| ||

Tatra, bhikkhave, yam idaɱ upekkh'indriyaɱ||
adukkha-m-asukhā sā vedanā daṭṭhabbā.|| ||

Imāni kho bhikkhave, pañc'inidriyānī" ti.|| ||

 


Contact:
E-mail
Copyright Statement   Webmaster's Page