Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
IV. Sukhindriya (or Uppaṭi) -vagga

Sutta 39

Araṇi or Kaṭṭhopama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'imāni, bhikkhave, indriyāni.|| ||

Katamāni pañca?|| ||

Sukh'indriyaɱ||
dukkh'indriyaɱ||
somanass'indriyaɱ||
domanass'indriyaɱ||
upekkh'indriyaɱ.|| ||

Sukhavedanīyaɱ bhikkhave, phassaɱ paṭicca uppajjati sukhindriyaɱ.|| ||

So sukhito va samāno sukhitosmiti pajānāti.|| ||

Tass'eva sukhavedanīyassa phassassa nirodhā yaɱ tajjaɱ vedayitaɱ, sukhavedanīyaɱ phassaɱ paṭicca uppannaɱ sukhindriyaɱ taɱ nirujjhati.|| ||

Taɱ vūpasammatīti1 pajānāti.|| ||

Dukkhavedanīyaɱ bhikkhave, phassaɱ paṭiccauppajjati dukkhindriyaɱ.|| ||

So dukkhito va samāno dukkhitosmīti pajānāti.|| ||

Tass'eva dukkhavedanīyassa phassassa nirodhā yaɱ tajjaɱ vedayitaɱ, dukkhavedanīyaɱ [212] phassaɱ paṭicca uppannaɱ dukkhindriyaɱ taɱ nirujjhati.|| ||

Taɱ vūpasammatīti pajānāti.|| ||

Somanassavedanīyaɱ bhikkhave, phassaɱ paṭicca uppajjati somanassindriyaɱ.|| ||

So sumano va samāno sumanosmīti pajānāti.|| ||

Tass'eva somanassavedanīyassa phassassa nirodhā yaɱ tajjaɱ vedayitaɱ, sumanassavedanīyaɱ phassaɱ paṭicca uppannaɱ somanassindriyaɱ taɱ nirujjhati.|| ||

Taɱ vūpasammatīti pajānāti.|| ||

Domanassavedanīyaɱ bhikkhave, phassaɱ paṭicca uppajjati domanassindriyaɱ.|| ||

So dummano va samāno dummanosmīti pajānāti.|| ||

Tass'eva domanassavedanīyassa phassassa nirodhā yaɱ tajjaɱ vedayitaɱ, domanassavedanīyaɱ phassaɱ paṭicca uppannaɱ domanassindriyaɱ taɱ nirujjhati.|| ||

Taɱ vūpasammatīti pajānāti.|| ||

Upekhāvedanīyaɱ bhikkhave, phassaɱ paṭicca uppajjati upekkhindriyaɱ.|| ||

So upekhako va samāno upekhakosmīti pajānāti.|| ||

Tass'eva upekhāvedanīyassa phassassa nirodhā yaɱ tajjaɱ vedayitaɱ, upekhāvedanīyaɱ phassaɱ paṭicca uppannaɱ upekkhindriyaɱ taɱ nirujjhati.|| ||

Taɱ vūpasammatīti pajānāti.|| ||

seyyathā pi bhikkhave, dvinnaɱ kaṭṭhānaɱ saŋghaṭṭanasammodhānā usmā jāyati.|| ||

Tejo abhinibbattati.|| ||

Tesaɱ yeva kaṭṭhānaɱ nānābhāvā vinikkhepā1 yā tajjā usmā sā nirujjhati.|| ||

Sā vūpasammati, evam eva kho, bhikkhave, sukhavedaniyaɱ phassaɱ paṭicca uppajjati sukhindriyaɱ.|| ||

So sukhitova samāno sukhitosmīti pajānāti.|| ||

Tass'eva sukhavedaniyassa phassassa nirodhā yaɱ tajjaɱ vedayitaɱ, sukhavedaniyaɱ phassaɱ paṭicca uppannaɱ sukhindriyaɱ taɱ [213] nirujjhati, taɱ vūpasammatīti pajānāti.|| ||

Dukkhavedanīyaɱ phassaɱ paṭicca uppajjati dukkhindriyaɱ.|| ||

So dukkhitova samāno dukkhitosmīti pajānāti.|| ||

Tass'eva dukkhavedaniyassa phassassa nirodhā yaɱ tajjaɱ vedayitaɱ, sukhavedaniyaɱ phassaɱ paṭicca uppannaɱ dukkhindriyaɱ taɱ nirujjhati, taɱ vūpasammatīti pajānāti.|| ||

Somanassavedaniyaɱ phassaɱ paṭicca uppajjati somanassindriyaɱ.|| ||

So sumanova samāno sumavosmīti pajānāti.|| ||

Tass'eva somanassavedaniyassa phassassa nirodhā yaɱ tajjaɱ vedayitaɱ, somanassavedaniyaɱ phassaɱ paṭicca uppannaɱ somanassindriyaɱtaɱ nirujjhati, taɱ vūpasammatīti pajānāti.|| ||

Domanassavedanīyaɱ phassaɱ paṭicca uppajjati domanassindriyaɱ.|| ||

So dummanova samāno dummanosmīti pajānāti.|| ||

Tass'eva domanassavedanīyassa phassassa nirodhā yaɱ tajjaɱ vedayitaɱ, domanassavedanīyaɱ phassaɱ paṭicca uppannaɱ domanassindriyaɱ taɱ nirujjhati, taɱ vūpasammatīti pajānāti.|| ||

Upekhāvedanīyaɱ phassaɱ paṭicca uppajjati upekkhindriyaɱ.|| ||

So upekhakova samāno upekhakosmīti pajānāti.|| ||

Tass'eva upekhāvedanīyassa phassassa nirodhā yaɱ tajjaɱ vedayitaɱ, upekhāvedanīyaɱ phassaɱ paṭicca uppannaɱ upekkhindriyaɱ taɱ nirujjhati, taɱ vūpasammatīti pajānāti.|| ||

 


Contact:
E-mail
Copyright Statement   Webmaster's Page