Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
V. Jarā-vagga

Sutta 41

Jarā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][than] Evam me sutaɱ:|| ||

Ekaɱ samayaɱ Bhagavā Sāvatthiyaɱ viharati Pubbārāme Migāramātupāsāde.|| ||

Tena kho pana samayena Bhagavā sāyaṇhasamayaɱ paṭisallāṇā vuṭṭhito pacchātape nisinno hoti piṭṭhiɱ otāpayamāno.|| ||

Atha kho āyasmā Ānando yena Bhagavā ten'upasaŋkami.||
Upasaŋkamitvā Bhagavantaɱ abhivādetvā Bhagavato gattāni pāṇinā anomajjanto Bhagavantaɱ etad avoca:|| ||

"Acchariyaɱ bhante, abbhutaɱ bhante, na cevadāni bhante, Bhagavato tāva parisuddho hoti chavivaṇṇo pariyodāto.|| ||

Sithilāni ca gattāni sabbāni valijātāni.|| ||

Purato pabbhāro ca kāyo.|| ||

Dissati ca indriyānaɱ aññathattaɱ: cakkhundriyassa sotindriyassa ghānindriyassa jivhindriyassa kāyindriyassāti.|| ||

[217] Evaɱ h'etaɱ Ānanda, hoti jarādhammo yobbaññe byādhidhammo ārogye maraṇadhammo jīvite na c'eva tāva parisuddho hoti chavivaṇṇo pariyodāto sathilāni ca honti gattāni sabbāni valijātāni|| ||

Purato pabbhāro ca kāyo|| ||

Dissati ca indriyānaɱ aññathattaɱ: cakkhundriyassa sotindriyassa ghānindriyassa jivhindriyassa kāyindriyassāti.|| ||

Idam avoca Bhagavā.|| ||

Idaɱ vatvā sugato athāparaɱ etad avoca satthā:|| ||

 

Dhitaɱ jammi jare atthu||
dubbaṇṇakaraṇī jare,||
Tāva manoramaɱ vimmaɱ||
jarāya abhimadditaɱ|| ||

Yo pi vassasataɱ jīve||
so pi maccuparāyaṇo||
Na kiñci parivajjeti||
sabbam evā bhimaddatī ti.|| ||

 


Contact:
E-mail
Copyright Statement   Webmaster's Page