Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
V. Jarā-vagga

Sutta 43

Sāketa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ Bhagavā Sākete viharati Añjanavane Migadāye.|| ||

Tatra kho Bhagavā bhikkhū āmantesi:|| ||

"Atthi nu kho bhikkhave pariyāyo||
yaɱ pariyāyaɱ āgamma yāni pañc'indriyāni tāni pañca balāni honti,||
yāni pañca balāni tāni pañc'inidriyāni hontī" ti?|| ||

"Bhagavaɱ-mūlakā no bhante, dhammā,||
Bhagavaɱ-nettikā||
Bhagavaɱ-paṭisaraṇā.|| ||

Sādhu vata bhante,||
Bhagavantaɱ yeva paṭibhātu etassa bhāsitassa attho.|| ||

Bhagavato sutvā bhikkhū dhāressantī" ti.|| ||

"Atthi bhikkhave pariyāyo||
yaɱ pariyāyaɱ āgamma yāni pañc'indriyāni tāni pañca balāni honti||
yāni pañca balāni tāni pañc'indriyāni honti.|| ||

Katamo ca bhikkhave, pariyāyo||
yaɱ pariyāyaɱ āgamma yāni pañc'indriyāni tāni pañca balāni honti,||
yāni pañca balāni tāni pañc'indriyāni honti?|| ||

Yaɱ bhikkhave, saddh'indriyaɱ taɱ saddhā-balaɱ,||
yaɱ saddhā-balaɱ taɱ saddh'indriyaɱ.|| ||

Yaɱ viriy'indriyaɱ taɱ viriya-balaɱ,||
yaɱ viriya-balaɱ taɱ viriy'indriyaɱ.|| ||

Yaɱ sat'indriyaɱ taɱ sati-balaɱ,||
yaɱ sati-balaɱ taɱ sat'indriyaɱ.|| ||

Yaɱ samādh'indriyaɱ taɱ samādhi-balaɱ,||
yaɱ samādhi-balaɱ samādh'indriyaɱ.|| ||

Yaɱ paññ'indriyaɱ taɱ paññā-balaɱ,||
yaɱ paññā-balaɱ taɱ paññ'indriyaɱ.

Seyyathā pi, bhikkhave, nadī pācīnaninnā||
pācinapoṇā||
pācīnapabbhārā.|| ||

Tassā majjhe dīpo.|| ||

Atthi bhikkhave, pariyāyo||
yaɱ pariyāyaɱ āgamma tassā nadiyā eko soto tv'eva saŋkhyaɱ gacchati.|| ||

Atthi pana bhikkhave, pariyāyo||
yaɱ pariyāyaɱ āgamma tassā nadiyā dve sotāni tv'eva saŋkhyaɱ gacchanti.|| ||

[220] Katamo ca bhikkhave, pariyāyo||
yaɱ pariyāyaɱ āgamma tassā nadiyā eko soto tv'eva saŋkhyaɱ gacchati?|| ||

Yaɱ bhikkhave, tassa dīpassa puratthimante udakaɱ||
yañ ca pacchimante udakaɱ,||
ayaɱ kho bhikkhave pariyāyo||
yaɱ pariyāyaɱ āgamma tassa nadiyā eko soto tv'eva saŋkhyaɱ gacchati.|| ||

Katamo ca bhikkhave, pariyāyo yaɱ||
pariyāyaɱ āgamma tassā nadiyā dve sotāni tv'eva saŋkhyaɱ gacchanti?|| ||

Yaɱ bhikkhave, tassa dīpassa uttarante udakaɱ||
yañ ca dakkhiṇante udakaɱ,||
ayaɱ kho bhikkhave, pariyāyo||
yaɱ pariyāyaɱ āgamma tassā nadiyā dve sotāni tv'eva saŋkhaɱ gacchanti.|| ||

Evam eva kho bhikkhave,||
yaɱ saddh'indriyaɱ taɱ saddhā-balaɱ,||
yaɱ saddhā-balaɱ taɱ saddh'indriyaɱ;|| ||

yaɱ viriy'indriyaɱ taɱ viriya-balaɱ,||
yaɱ viriya-balaɱ taɱ viriy'indriyaɱ;|| ||

yaɱ sat'indriyaɱ taɱ sati-balaɱ,||
yaɱ sati-balaɱ taɱ sat'indriyaɱ;|| ||

yaɱ samādh'indriyaɱ taɱ samādhi-balaɱ,||
yaɱ samādhi-balaɱ samādh'indriyaɱ;|| ||

yaɱ paññ'indriyaɱ taɱ paññā-balaɱ,||
yaɱ paññā-balaɱ taɱ paññ'indriyaɱ.|| ||

Pañcannaɱ bhikkhave, indriyānaɱ bhāvitattā||
bahulīkatattā||
bhikkhu āsavānaɱ khayā||
anāsavaɱ cetovimuttiɱ||
paññāvimuttiɱ||
diṭṭhe va dhamme sayaɱ||
abhiññā sacchi-katvā||
upasampajja viharantī" ti.|| ||

 


Contact:
E-mail
Copyright Statement   Webmaster's Page