Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
VI. Sūkarakhata-vagga

Sutta 52

Mallika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ Bhagavā Mallakesu viharati Uruvelakappaɱ nāma Mallakānaɱ nigamo.|| ||

Tatra kho Bhagavā bhikkhū āmantesi|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ Bhagavā etad avoca.|| ||

"Yāva kīvañ ca bhikkhave, ariyasāvakassa ariyaɱ ñāṇaɱ nuppannaɱ hoti||
n'eva tāva catunnaɱ indriyānaɱ saṇṭhiti hoti,||
n'eva tāva catunnaɱ indriyānaɱ avaṭṭhiti hoti,||
yato ca kho bhikkhave, ariyasāvakassa ariya ñāṇaɱ uppannaɱ hoti,||
atha catunnaɱ indriyānaɱ saṇṭhiti hoti,||
atha catunnaɱ indriyānaɱ avaṭṭhiti hoti.|| ||

Seyyathā pi bhikkhave, yāvakīvañ ca kūṭāgārassa kūṭaɱ na ussitaɱ hoti,||
n'eva tāva gopānasīnaɱ saṇṭhiti hoti,||
n'eva tāva gopānasīnaɱ avaṭṭhiti hoti||
yato ca kho bhikkhave, kūṭāgārassa kūṭaɱ ussitaɱ hoti,||
atha kho gopānasīnaɱ saṇṭhiti hoti,||
atha kho gopānasīnaɱ avaṭṭhiti hoti.|| ||

Evam eva kho bhikkhave,||
yāvakīvañ ca ariyasāvakassa ariyañāṇaɱ na uppannaɱ hoti,||
n'eva tāva catunnaɱ indriyānaɱ saṇṭhiti hoti,||
n'eva tāva catunnaɱ indirayānaɱ avaṭṭhiti hoti,||
yato ca kho bhikkhave, ariyasāvakassa ariyañāṇaɱ uppannaɱ hoti,||
atha catunnaɱ indriyānaɱ saṇṭhiti hoti,||
atha catunnaɱ indriyānaɱ avaṭṭhiti hoti.|| ||

Katamesaŋ catunnaɱ?|| ||

[229] Saddhindriyassa||
viriyindriyassa||
satindriyassa||
samādhindriyassa.|| ||

Paññavato bhikkhave, ariyasāvakassa tadanvayā saddhā saṇṭhāti,||
tadanvayaɱ viriyaɱ saṇṭhāti,||
tadanvayā sati saṇṭhāti,||
tadanvayo samādhi saṇṭhātī" ti.

 


Contact:
E-mail
Copyright Statement   Webmaster's Page