Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
VI. Sūkarakhata-vagga

Sutta 54

Pada Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ Bhagavā Kosambiyaɱ viharati Ghositārāme.|| ||

Tatra kho Bhagavā bhikkhū āmantesi:|| ||

"Seyyathā pi bhikkhave, yāni kānici jaŋgamānaɱ pāṇānaɱ padajātāni,||
sabbāni tāni hatthipade samodhānaɱ gacchanti,||
hatthipadaɱ tesaŋ aggamakkhāyati||
yad idaɱ mahantattena.|| ||

Evam eva kho bhikkhave,||
yāni kānici padāni bodhāya saŋvattanti,||
paññindriyaɱ padaɱ tesaŋ aggamakkhāyati||
yad idaɱ bodhāya.|| ||

Katamāni ca bhikkhave, padāni bodhāya saŋvattanti?|| ||

Saddhindriyaɱ bhikkhave padaɱ,||
taɱ bodhāya saŋvattati.|| ||

Viriyindriyaɱ padaɱ,||
taɱ bodhāya saŋvattati.|| ||

Satindriyaɱ padaɱ,||
taɱ bodhāya saŋvattati.|| ||

Samādhindriyaɱ padaɱ,||
taɱ bodhāya saŋvattati.|| ||

Paññindriyaɱ padaɱ,||
taɱ bodhāya saŋvattati.|| ||

"Seyyathā pi bhikkhave, yāni kānici jaŋgamānaɱ pāṇānaɱ padajātāni,||
sabbāni tāni hatthipade samodhānaɱ gacchanti,||
hatthipadaɱ tesaŋ aggamakkhāyati||
yad idaɱ mahantattena.|| ||

Evam eva kho bhikkhave,||
yāni kānici padāni bodhāya saŋvattanti,||
paññindriyaɱ padaɱ tesaŋ aggamakkhāyati||
yad idaɱ bodhāya" ti.|| ||

 


Contact:
E-mail
Copyright Statement   Webmaster's Page