Sāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts] Evam me sutaɱ:|| ||

Ekaɱ samayaɱ Bhagavā Kosambiyaɱ viharati Ghositārāme.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuɱ.|| ||

Bhagavā etad avoca:|| ||

"Seyyathā pi bhikkhave, ye keci sāragandhā||
lohita-candanaɱ tesaŋ aggamakkhāya ti.|| ||

Evam eva kho bhikkhave, ye keci bodhi-pakkhikā dhammā||
paññ'indriyaɱ tesaŋ aggamakkhāyati,||
yad idaɱ bodhāya.|| ||

Katame ca bhikkhave, bodhipakkhikā dhammā?|| ||

Saddhindriyaɱ bodhipakkhiko dhammo, taɱ bodhāya saŋvattati.|| ||

Viriyindriyaɱ bodhipakkhiko dhammo, taɱ bodhāya saŋvattati.|| ||

Satindriyaɱ bodhipakkhiko dhammo, taɱ bodhāya saŋvattati.|| ||

Samādhindriyaɱ bodhipakkhiko dhammo, taɱ bodhāya saŋvattati.|| ||

Paññindriyaɱ bodhipakkhiko dhammo, taɱ bodhāya saŋvattati.|| ||

"Seyyathā pi bhikkhave, ye keci sāragandhā||
lohita-candanaɱ tesaŋ aggamakkhāya ti.|| ||

Evam eva kho bhikkhave, ye keci bodhi-pakkhikā dhammā||
paññ'indriyaɱ tesaŋ aggamakkhāyati,||
yad idaɱ bodhāya" ti.|| ||