Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
VI. Sūkarakhata-vagga

Sutta 57

Brahmā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Evaɱ me sutaɱ, ekaɱ samayaɱ Bhagavā Uruvelāyaɱ viharati najjā Nerañjarāya tīre Ajapālanigrodhe paṭhamābhi-sambuddho.|| ||

Atha kho Bhagavato rahogatassa paṭisallīnassa evaɱ cetaso parivitakko udapādi:|| ||

"Pañc'indriyāni bhāvitāni||
bahulīkatāni||
amatogadhāni honti||
amataparāyanāni||
amatapariyosānāni.|| ||

Katamāni pañca?|| ||

Saddh'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Viriy'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Sat'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Samādh'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Paññ'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Imāni pañcindriyāni bhāvitāni||
bahulīkatāni||
amatogadhāni honti||
amataparāyanāni||
amatapariyosānānī" ti.|| ||

 


 

Atha kho Sahampatī Bhagavato cetasā cetoparivitakkamaññāya||
seyyathā pi nāma balavā puriso sammiñjitaɱ vā bāhaɱ pasāreyya,||
pasāritaɱ vā bāhaɱ sammiñjeyya,||
evam evaɱ brahmaloke antarahito Bhagavato purato pāturahosi.||
[233] Atha kho Brahmā sahampati ekaɱsaŋ uttarāsaŋgaɱ karitvā yena Bhagavā tenañjaliɱ paṇāmetvā Bhagavantaɱ etad avoca:|| ||

Evam etaɱ Bhagavā,||
evam etaɱ sugata,||
pañcindriyāni bhāvitāni||
bahulīkatāni||
amatogadhāni honti,||
amataparāyanāni||
amatapariyosānāni.|| ||

Katamāni pañca?|| ||

Saddh'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Viriy'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Sat'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Samādh'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Paññ'indriyaɱ bhāvitaɱ||
bahulīkataɱ||
amatogadhaɱ hoti||
amataparāyanaɱ||
amatapariyosānaɱ.|| ||

Imāni pañcindriyāni bhāvitāni||
bahulīkatāni||
amatogadhāni honti||
amataparāyanāni||
amatapariyosānāni.|| ||

Bhutapubbā'haɱ bhante, Kassape sammāsambuddhe brahmacariyaɱ acariɱ.|| ||

Tatra pi maɱ evaɱ jānanti:||
'Sahako bhikkhu,||
Sahako bhikkhū' ti.|| ||

So kho'haɱ bhante, imesaŋ pañcannaɱ indriyānaɱ bhāvitattā||
bahulīkatattā||
kāmesu kāmacchandaɱ virāchetvā kāyassa bhedā param māraṇā sugatiɱ brahmalokaɱ uppanno tatra pi maɱ evaɱ jānanti||
'Brahmā Sahampati Brahmā Sahampatī' ti.|| ||

Evam etaɱ Bhagavā,||
evam etaɱ sutata,||
ahame taɱ jānāmi,||
ahame taɱ passāmi.|| ||

Yathā imāni pañcindriyāni bhāvitāni||
bahulīkatāni||
amatogadhāni honti,||
amataparāyanāni||
amatapariyosānānī" ti.|| ||

 


Contact:
E-mail
Copyright Statement   Webmaster's Page