Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
48. Indriya Saŋyutta
VI. Sūkarakhata-vagga

Sutta 58

Sūkarakhatā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ Bhagavā Rājagahe viharati Gijjhakūṭe pabbate Sūkarakhatāyaɱ.|| ||

Tatra kho Bhagavā āyasmantaɱ Sāriputtaɱ āmantesi:|| ||

"Kiɱ nu kho Sāriputta, atthavasaŋ sampassamāno khīṇāsavo bhikkhu Tathāgate vā||
Tathāgatasāsane vā paramani-paccakāraɱ pavattamāno pavattatī" ti?|| ||

[234] "Anuttaraɱ hi bhante, yogakkhemaɱ sampassamāno khīṇāsavo bhikkhu Tathāgate vā||
Tathāgatasāsane vā paramani-paccakāraɱ pavattamāno pavattatī" ti.|| ||

"Sādhu, sādhu, Sāriputta,||
anuttaraɱ hi Sāriputta, yogakkhemaɱ||
sampassamāno khīṇāsavo bhikkhu Tathāgate vā||
Tathāgatasāsane vā paramanipaccakāraɱ pavattamāno pavattati.|| ||

Katamo ca Sāriputta, anuttaro yogakkhemo,||
yaɱ sampassamāno khīṇāsavo bhikkhu Tathāgate vā||
Tathāgatasāsane vā paramanipaccakāraɱ pavattamāno pavattatī" ti?|| ||

"Idha bhante, khīṇāsavo bhikkhu||
saddhindriyaɱ bhāveti||
upasamagāmiɱ||
sambodhagāmiɱ;|| ||

viriyindriyaɱ bhāveti||
upasamagāmiɱ||
sambodhagāmiɱ;|| ||

satindriyaɱ bhāveti||
upasamagāmiɱ||
sambodhagāmiɱ;|| ||

samādhindriyaɱ bhāveti||
upasamagāmiɱ||
sambodhagāmiɱ;

paññindriyaɱ bhāveti||
upasamagāmiɱ||
sambodhagāmiɱ.|| ||

Ayaɱ kho bhante, anuttaro yogakkhemo||
yaɱ sampassamāno khīṇāsavo bhikkhu Tathāgate vā||
Tathāgatasāsane vā paramanipaccakāraɱ pavattamāno pavattatī" ti.|| ||

"Sādhu, sādhu, Sāriputta,||
eso hi Sāriputta, anuttaro yogakkhemo||
yaɱ sampassamāno khīṇāsavo bhikkhu Tathāgate vā||
Tathāgatasāsane vā paramanipaccakāraɱ pavattamāno pavattati.|| ||

Katamo ca Sāriputta, paramanipaccakāro yaɱ khīṇāsavo bhikkhu Tathāgate vā||
Tathāgatasāsane vā paramanipaccakāraɱ pavattamāno pavattatī" ti?|| ||

"Idha bhante, khīṇāsavo bhikkhu||
satthari sagāravo viharati sappatisso.||
Dhamme sagāravo viharati sappatisso,||
Saŋghe sagāravo viharati sappatisso,||
sikkhāya sagāravo viharati sappatisso,||
samādhismiɱ sagāravo viharati sappatisso.|| ||

Ayaɱ kho bhante, paramanipaccakāro yaɱ khīṇāsavo bhikkhu Tathāgate vā Tathāgatasāsane vā paramanipaccakāraɱ pavattamāno pavattatī" ti.|| ||

[235] Sādhu, sādhu, Sāriputta,||
eso hi Sāriputta paramanipaccakāro yaɱ khīṇāsavo bhikkhu Tathāgate vā||
Tathāgatasāsane vā paramanipaccakāraɱ pavattayamāno pavattatī" ti.|| ||

 


Contact:
E-mail
Copyright Statement   Webmaster's Page