Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
51. Iddhipāda Saŋyutta

Sutta 5

Padesa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutaɱ:|| ||

Evam me sutaɱ ekaɱ samayam Bhagavā Sāvatthiyaɱ viharati Jetavane Anāthapindikassa ārāme.|| ||

2. Ye hi keci, bhikkhave,||
atītam addhānaɱ samaṇā vā brāhmaṇā vā iddhipāde padesaŋ abhinipphādesuɱ,||
sabbe te catunnaɱ iddhipādānaɱ bhāvitattā bahulīkatattā.|| ||

Ye hi [256] keci bhikkhave,||
anāgatam addhānaɱ samaṇā vā brāhmaṇā vā iddhipāde padesaŋ abhinipphādessanti,||
sabbe te catunnaɱ iddhipādānaɱ bhāvitantā bahulīkatattā.|| ||

Ye hi keci, bhikkhave,||
etarahi samaṇā vā brāhmaṇā vā iddhipāde padesaŋ abhinipphādenti,||
sabbe te catunnaɱ iddhipādānaɱ bhāvitattā bahulīkatattā.|| ||

Katamesaŋ catunnaɱ?|| ||

3. Idha, bhikkhave, bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

4. Ye hi keci, bhikkhave,||
atītam addhānaɱ samaṇā vā brāhmaṇā vā iddhipāde padesaŋ abhinipphādesuɱ,||
sabbe te imesaŋ yeva catunnaɱ iddhipādānaɱ bhāvitattā bahulīkatattā.|| ||

Ye hi keci, bhikkhave,||
anāgatam addhānaɱ samaṇā vā brāhmaṇā vā iddhipāde padesaŋ abhinipphādessanti,||
sabbe te imesaŋ yeva catunnaɱ iddhipādānaɱ bhāvitattā bahulīkatattā.|| ||

Ye hi keci, bhikkhave,||
etarahi samaṇā vā brāhmaṇā vā iddhipāde padesaŋ abhinipphādenti,||
sabbe te imesaŋ yeca catunnaɱ iddhipādānaɱ bhāvitattā bahulīkatattāti.|| ||


Contact:
E-mail
Copyright Statement   Webmaster's Page