Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
51. Iddhipāda Saŋyutta

Sutta 16

Paṭhama Samaṇa-Brāhmaṇā or Mahiddhi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutaɱ:|| ||

2. Ye hi keci bhikkhave, atītam addhānaɱ samaṇā vā brāhmaṇā vā mahiddhikā ahesuɱ mahānubhāvā,||
sabbe te catunnaɱ iddhipādānaɱ bhāvitattā bahulīkatattā.|| ||

3. Ye hi keci bhikkhave, anāgatam addhānaɱ samaṇā vā brāhmaṇā vā mahiddhikā bhavissanti mahānubhāvā,||
sabbe te catunnaɱ iddhipādānaɱ bhāvitattā bahulīkatattā.|| ||

4. Ye hi keci, bhikkhave, etarahi samaṇā vā brāhmaṇā vā mahiddhikā mahānubhāvā,||
sabbe te catunnaɱ iddhipādānaɱ bhāvitattā bahulīkatattā.|| ||

Katamesaŋ catunnaɱ?|| ||

5. Idha bhikkhave, bhikkhu chanda-samādhi-padhāna-sankhāra-samannāgataɱ iddhipādaɱ bhāveti||
viriya-samādhi-padhāna-sankhāra-samannāgataɱ iddhipādaɱ bhāveti,||
citta-samādhi-padhāna-sankhāra-samannāgataɱ iddhipādaɱ bhāveti,||
vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

6. Ye hi keci, bhikkhave, atītam addhānaɱ samaṇā vā brāhmaṇā vā mahiddhikā ahesuɱ mahānubhāvā,||
sabbe te imesaŋ yeva catunnaɱ iddhipādānaɱ bāvitattā bahulīkatattā.|| ||

Ye hipi keci bhikkhave, anāgatam addhānaɱ samaṇā vā brāhmaṇā vā mahiddhikā ahesuɱ mahānubhāvā,||
sabbe te imesaŋ yeva catunnaɱ iddhipādānaɱ bhāvitattā bahulīkatattā.|| ||

Ye hi keci, bhikkhave, etarahi samaṇā vā mahiddhikā mahānubhāvā,||
sabbe te imesaŋ yeva catunnaɱ iddhipādānaɱ bhāvitattā bahulīkatattāti.|| ||


Contact:
E-mail
Copyright Statement   Webmaster's Page