Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
51. Iddhipāda Saŋyutta

Sutta 18

Bhikkhu Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutaɱ:|| ||

2. Catunnaɱ bhikkhave, iddhipādānaɱ bhāvitattā bahulīkatattā bhikkhu āsavānaɱ khayā anāsavaɱ cetovimuttiɱ paññāvimuttiɱ diṭṭhe va dhamme sayaɱ abhiññā sacchi-katvā upasampajja viharati.|| ||

Katamesaŋ catunnaɱ?|| ||

3. Idha bhikkhave, bhikkhu||
chanda-samādhi-padhāna-sankhāra-samannāgataɱ iddhipādaɱ bhāveti,||
viriya-samādhi-padhāna-sankhāra-samannāgataɱ iddhipādaɱ bhāveti,||
citta-samādhi-padhāna-sankhāra-samannāgataɱ iddhipādaɱ bhāveti,||
vīmaɱsā-samādhi-padhāna-sankhāra-samannāgataɱ iddhipādaɱ bhāveti,||
ye hi keci bhikkhave atītam addhānaɱ samaṇā vā brāhmaṇā vā aneka-vihitaɱ iddhividhaɱ paccanubhosuɱ eko pi hutvā bahudhā ahesuɱ,||
bahudhā pi hutvā eko ahesuɱ āvībhāvaɱ tirobhāvaɱ tirokuḍḍaɱ tiropākāraɱ tiropabbataɱ asajjamānā agamaɱsu seyyathā pi ākāse.|| ||

Imesaŋ kho bhikkhave, catunnaɱ iddhipādānaɱ bhāvitattā bahulīkatattā bhikkhu āsavānaɱ khayā anāsavaɱ cetovimuttiɱ paññāvimuttiɱ diṭṭhe va dhamme sayaɱ abhiññā sacchi-katvā upasampajja viharatī ti.|| ||


Contact:
E-mail
Copyright Statement   Webmaster's Page