Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
51. Iddhipāda Saŋyutta

Sutta 19

Desanā or Bhāvanā Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutaɱ:|| ||

2. Iddhiñ vo bhikkhave, desessāmi iddhipādañ ca iddhipādabhāvanañ ca iddhipādabhāvanāgāminiñ ca paṭipadaɱ.|| ||

Taɱ suṇātha.|| ||

3. Katamā ca bhikkhave, iddhi?|| ||

Idha, bhikkhave, bhikkhu aneka-vihitaɱ iddhividhaɱ paccanubhoti:|| ||

Eko pi hutvā bahudhā ahesuɱ.|| ||

Bahudhā hutvā eko ahesuɱ.|| ||

Āvībhāvaɱ tirobhāvaɱ tirokuḍḍaɱ tiropākāraɱ tiropabbataɱ asajjamānā agamaɱsu seyyathā pi ākāse.|| ||

Paṭhaviyaɱ pi ummujjanimujjaɱ akaɱsu seyyathā pi udake.|| ||

Udake pi abhijjamānā agamaɱsu seyyathā pi paṭhaviyaɱ.|| ||

Ākāse pi pallaŋkena agamiɱsu seyyathā pi pakkhī sakuṇo.|| ||

Ime pi candimasuriye evaɱ mahiddhike evaɱ mahānubhāve pāṇinā parāmasiɱsu parimajjiɱsu.|| ||

Yāva brahmalokā pi kāyena vasaŋ vatteti.|| ||

Ayaɱ vuccati bhikkhave iddhi.|| ||

4. Katamo ca bhikkhave, iddhipādo?|| ||

Yo bhikkhave, maggo yā paṭipadā iddhi-lābhāya iddhi-paṭi-lābhāya saŋvattati.|| ||

Ayaɱ vuccati bhikkhave, iddhipādo.|| ||

5. Katamā ca bhikkhave, iddhipādabhāvanā?|| ||

Idha bhikkhave, bhikkhu||
chanda-samādhi-padhāna-sankhāra-samannāgataɱ iddhipādaɱ bhāveti,||
viriya-samādhi-padhāna-sankhāra-samannāgataɱ iddhipādaɱ bhāveti,||
citta-samādhi-padhāna-sankhāra-samannāgataɱ iddhipādaɱ bhāveti,||
vīmaɱsā-samādhi-padhāna-sankhāra-samannāgataɱ iddhipādaɱ bhāveti,||
ayaɱ vuccati bhikkhave, iddhipādabhāvanā.|| ||

6. Katamā ca bhikkhave, iddhipādabhāvanāgāminī paṭipadā?|| ||

Ayam eva ariyo aṭṭhaŋgiko maggo.|| ||

Seyyathīdaɱ:||
sammādiṭṭhi||
sammāsaŋkappo||
sammāvācā||
sammākammanto||
sammāājīvo||
sammāvāyāmo||
sammāsati||
sammāsamādhi.|| ||

Ayaɱ vuccati bhikkhave, iddhipādabhāvanāgāminī paṭipadā ti.|| ||


Contact:
E-mail
Copyright Statement   Webmaster's Page