Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
51. Iddhipāda Saŋyutta
III. Ayoguḷa-vaggo

Sutta 26

Dutiya Phala Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts][olds] Evam me sutaɱ:|| ||

2. Cattāro me bhikkhave, iddhipādā.|| ||

Katame cattāro?|| ||

Idha, bhikkhave, bhikkhu chanda-samādhi-padhāna-sankhāra-samannāgataɱ iddhipādaɱ bhāveti.|| ||

Viriya-samādhi-padhāna-sankhāra-samannāgataɱ iddhipādaɱ bhāveti:|| ||

Citta-samādhi-padhāna-sankhāra-samannāgataɱ iddhipādaɱ bhāveti:|| ||

Vimaɱsā-samādhi-padhāna-sankhāra-samannāgataɱ iddhipādaɱ bhāveti:|| ||

Ime kho bhikkhave, cattāro iddhipādā.|| ||

3. Imesaŋ kho bhikkhave, catunnaɱ iddhipādānaɱ bhāvitattā bahulīkatattā sattaphalā sattānisaŋsā pāṭikaŋkhā.|| ||

Katame sattaphalā satt'ānisaŋsā?|| ||

4. Diṭṭhe va dhamme paṭigacca aññaɱ ārādheti.|| ||

No ce diṭṭhe va dhamme paṭigacca aññaɱ ārādheti||
atha maraṇakāle aññaɱ ārādheti.|| ||

No ce diṭṭhe va dhamme paṭigacca aññaɱ ārādheti no ce maraṇakāle aññaɱ ārādheti,||
atha pañcantaɱ orambhāgiyānaɱ saŋyojanānaɱ parikkhayā antarā parinibbāyī hoti.|| ||

Upahacca parinibbāyī hoti.|| ||

Asankhāraparinibbāyī hoti.|| ||

Sasankhāraparinibbāyī hoti.|| ||

Uddhaɱsoto hoti akaniṭṭhagāmī.|| ||

5. Imesaŋ kho bhikkhave, catunnaɱ iddhipādānaɱ bhāvitattā bahulīkatattā ime sattaphalā satt'ānisaŋsā pāṭikaŋkhā ti.|| ||


Contact:
E-mail
Copyright Statement   Webmaster's Page