Samyutta Nikaya Masthead


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as IAST Unicode (āīūṃṅñṭḍṇḷ). Alternatives:
[ ASCII (aiumnntdnl) | Mobile (āīūŋńñţđņļ) | Velthuis (aaiiuu.m'n~n.t.d.n.l) ]

 

Saŋyutta Nikāya,
V: MahāVagga
51. Iddhipāda Saŋyutta

Chapter VI
Suttas 55-66

Balakaraṇīya Vaggo

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 55

Bala Suttaɱ

[1][pts][olds] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

2. Seyyathā pi bhikkhave ye keci balakaraṇīyā kammantā karīyanti,||
sabbe te pathaviɱ nissāya pathaviyam pattiṭṭhāya||
evam eva te balakaraṇīya kammantā karīyanti.|| ||

Evam eva kho bhikkhave bhikkhu sīlaɱ nissāya sīle patiṭṭhāya||
cattāro iddhipāde bhāveti,||
cattāro iddhipāde bahulīkaroti.|| ||

Kathañ ca bhikkhave, bhikkhu sīlaɱ nissāya sīle patiṭṭhāya||
cattāro iddhipāde bhāveti,||
cattāro iddhipāde bahulīkaroti?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,[1]|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave bhikkhu sīlaɱ nissāya sīle patiṭṭhāya
cattāro iddhipāde bhāveti,||
cattāro iddhipāde bahulīkaroti ti.|| ||

 


 

Sutta 56

Bījā Suttaɱ

[1][pts][olds] Evam me sutaɱ:|| ||

2. Seyyathā pi bhikkhave ye keci bījagāmā bhūtagāmā vuddhiɱ virū'hiɱ vepullaɱ āppajjanti.|| ||

Sabbe te pathaviɱ nissāya pathaviyam patiṭṭhāya evam ete bījagāmā bhūtagāmā vuddhiɱ virū'hiɱ vepullam āpajjanti.|| ||

Evam eva kho bhikkhave bhikkhu sīlaɱ nissāya sīle patiṭṭhāya||
cattāro iddhipāde bhāvento,||
cattāro iddhipāde bahulīkaronto||
vuddhiɱ virū'hiɱ vepullam pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya||
cattāro iddhipāde bhāvento,||
cattāro iddhipāde bahulīkaronto||
vuddhiɱ virū'hiɱ vepullam pāpuṇāti dhammesu?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ eva kho bhikkhave bhikkhu sīlaɱ nissāya sīle patiṭṭhāya||
cattāro iddhipāde bhāvento,||
cattāro iddhipāde bahulīkaronto||
vuddhiɱ virū'hiɱ vepullam pāpuṇāti dhammesu ti.|| ||

 


 

Sutta 57

Nāga Suttaɱ

[1][pts][olds] Evam me sutaɱ:|| ||

2. Seyyathā pi bhikkhave, himavantaɱ pabbatarājaɱ nissāya nāgā kāyaɱ vaḍḍhanti, balaɱ gāhenti.|| ||

Te tattha kāyaɱ vaḍḍhetvā balaɱ gāhetvā kussubbhe otaranti.|| ||

Kussubbhe otaritvā mahāsobbhe otaranti.|| ||

Mahāsobbhe otaritvā kunnadiyo otaranti.|| ||

Kunnadiyo otaritvā mahānadiyo otaranti.|| ||

Mahānadiyo otaritvā mahāsamuddaɱ sāgaraɱ otaranti.|| ||

Te tattha mahantatthaɱ vepullantaɱ āpajjanti kāyena.|| ||

3. Evam eva kho bhikkhave, bhikkhu sīlaɱ nissāya sīle patiṭṭhāya||
cattāro iddhipāde bhāvento,||
cattāro iddhipāde bahulīkaronto||
mahantataɱ vepullataɱ pāpuṇāti dhammesu.|| ||

Kathañ ca bhikkhave, bhikkhu sīlaɱ nissāya sīle patiṭṭhāya||
cattāro iddhipāde bhāvento,||
cattāro iddhipāde bahulīkaronto||
mahantataɱ vepullataɱ pāpuṇāti dhammesu?|| ||

4. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ eva kho bhikkhave bhikkhu sīlaɱ nissāya sīle patiṭṭhāya||
cattāro iddhipāde bhāvento,||
cattāro iddhipāde bahulīkaronto||
mahantaɱ vepullataɱ pāpuṇāti dhammesū ti.

 


 

Sutta 58

Rukkho Suttaɱ

[1][pts][olds] Evam me sutaɱ:|| ||

2. Seyyathā pi bhikkhave, rukkho||
pācīnaninno||
pācīna poṇo||
pācīnapabbhāro.|| ||

So mūle chinno katamena papātena papateyyā ti|| ||

Yena bhanne, ninno yena poṇo yena pabbhāro ti.|| ||

3. Evam eva kho bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto||
nibbānaninno hoti||
nibbānapoṇo||
nibbānapabbhāro.|| ||

Kathañ ca bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto||
nibbānaninno hoti||
nibbānapoṇo||
nibbānapabbhāro?|| ||

4. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave bhikkhu||
cattāro iddhipāde bhāvento,||
cattāro iddhipāde bahulīkaronto||
nibbānaninno hoti||
nibbānapoṇo||
nibbānapabbhāro ti.

 


 

Sutta 59

Kumbho Suttaɱ

[1][pts][olds] Evam me sutaɱ:|| ||

2. Seyyathā pi bhikkhave, kumbho nikkujjo vamat'eva udakaɱ no paccāvamati.|| ||

Evam eva kho bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto||
vamat'eva pāpake akusale dhamme no paccāvamati.|| ||

Kathañ ca Bhikkhave, bhikkhu cattāro iddhipāde bhāvento,||
cattāro iddhipāde bahulīkaronto||
vamat'eva pāpake akusale dhamme no paccāvamati?|| ||

4. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave bhikkhu||
cattāro iddhipāde bhāvento,||
cattāro iddhipāde bahulīkaronto||
vāmat'eva pāpake akusale dhamme no paccāvamatī ti.|| ||

 


 

Sutta 60

Sūkiya Suttaɱ

[1][pts][olds] Evam me sutaɱ:|| ||

2. Seyyathā pi bhikkhave, sālisūkaɱ vā yavasūkaɱ vā sammā paṇihitaɱ hatthena vā pādena vā akkantaɱ hatthaɱ vā pādaɱ vā chijjati lohitaɱ vā uppādessatī ti.|| ||

ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave, sūkassa.|| ||

3. Evam eva kho so vata bhikkhu sammā paṇihitāya maggabhāvanāya avijjaɱ chijjhati vijjaɱ uppādessati nibbānaɱ sacchikarissatī ti.|| ||

ṭhānam etaɱ vijjati.|| ||

Taɱ kissa hetu?|| ||

Sammā paṇihittatā bhikkhave diṭṭhiyā.|| ||

Kathañ ca Bhikkhave, bhikkhu sammā paṇihitāya diṭṭhiyā sammā paṇihitāya maggabhāvanāya avijjaɱ bhindati vijjaɱ uppādeti nibbānaɱ sacchikaroti?|| ||

4. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave, bhikkhu sammā paṇihitāya diṭṭhiyā sammā paṇihitāya maggabhāvanāya avijjaɱ bhindati vijjaɱ uppādeti nibbānaɱ sacchikarotī ti.|| ||

 

§

 

Sutta 61

Ākāsa Suttaɱ

[1][pts][olds] Evam me sutaɱ:|| ||

2. Seyyathā pi bhikkhave, ākāse vividhā vātā vāyanti,||
puratthimā pi vātā vāyanti,||
pacchimā pi vātā vāyanti,||
uttarā pi vātā vāyanti,||
dakkhiṇā pi vātā vāyanti,||
sarajā pi vātā vāyanti,||
arajā pi vātā vāyanti,||
sītā pi vātā vāyanti,||
uṇhā pi vātā vāyanti,||
parittā pi vātā vāyanti,||
adhimattā pi vātā vāyanti.|| ||

3. Evam eva kho bhikkhave, bhikkhuno,||
cattāro iddhipāde bhāvento,||
cattāro iddhipāde bahulīkaronto,||
cattāro pi satipaṭṭhānā bhāvanā pāripuriɱ gacchanti,||
cattāro pi sammappadhānā bhāvanā pāripūriɱ gacchanti,||
ariyaɱ aṭṭhaŋgikaɱ maggaɱ[2] bhāvanā pāripūriɱ gacchanti,||
pañca pi indriyāni bhāvanā pāripūriɱ gacchanti,||
pañca pi balāni bhāvanā pāripūriɱ gacchanti,||
satta pi bojjhaŋgā bhāvanā pāripūriɱ gacchanti.|| ||

Kathañ ca bhikkhave, bhikkhuno,||
cattāro iddhipāde bhāvento,||
cattāro iddhipāde bahulīkaronto,||
cattāro pi satipaṭṭhānā bhāvanā pāripuriɱ gacchanti,||
cattāro pi sammappadhānā bhāvanā pāripūriɱ gacchanti,||
ariyaɱ aṭṭhaŋgikaɱ maggaɱ bhāvanā pāripūriɱ gacchanti,||
pañca pi indriyāni bhāvanā pāripūriɱ gacchanti,||
pañca pi balāni bhāvanā pāripūriɱ gacchanti,||
satta pi bojjhaŋgā bhāvanā pāripūriɱ gacchanti?|| ||

4. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave, bhikkhuno,||
cattāro iddhipāde bhāvento,||
cattāro iddhipāde bahulīkaronto,||
cattāro pi satipaṭṭhānā bhāvanā pāripuriɱ gacchanti,||
cattāro pi sammappadhānā bhāvanā pāripūriɱ gacchanti,||
ariyaɱ aṭṭhaŋgikaɱ maggaɱ bhāvanā pāripūriɱ gacchanti,||
pañca pi indriyāni bhāvanā pāripūriɱ gacchanti,||
pañca pi balāni bhāvanā pāripūriɱ gacchanti,||
satta pi bojjhaŋgā bhāvanā pāripūriɱ gacchanti ti.|| ||

 


 

Sutta 62

Megha Suttaɱ I

[1][pts][olds] Evam me sutaɱ:|| ||

2. Seyyathā pi bhikkhave, gimhānaɱ pacchime māse uggataɱ rajojallaɱ tam enaɱ mahā akālamegho ṭhānaso antaradhāpeti vūpasameti.|| ||

Evam eva kho bhikkhave, bhikkhu,||
cattāro iddhipāde bhāvento,||
cattāro iddhipāde bahulīkaronto,||
uppannuppanne pāpake akusale dhamme||
ṭhānaso antaradhāpeti vūpasamapeti.|| ||

Kathañ ca bhikkhave, bhikkhu,||
cattāro iddhipāde bhāvento,||
cattāro iddhipāde bahulīkaronto,||
uppannuppanne pāpake akusale dhamme||
ṭhānaso antaradhāpeti vūpasamapeti?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave, bhikkhu,||
cattāro iddhipāde bhāvento,||
cattāro iddhipāde bahulīkaronto,||
uppannuppanne pāpake akusale dhamme||
ṭhānaso antaradhāpeti vūpasamapeti.|| ||

 


 

Sutta 63

Megha Suttaɱ 2

[1][pts][olds] Evam me sutaɱ:|| ||

2. Seyyathā pi bhikkhave, uppannaɱ mahāmeghaɱ, tam evaɱ mahāvāto antarāy'eva antaradhāpeti vūpasameti.|| ||

Evam eva kho bhikkhave, bhikkhu,||
cattāro iddhipāde bhāvento,||
cattāro iddhipāde bahulīkaronto,||
uppannuppanne pāpake akusale dhamme||
antarāy'eva antaradhāpeti, vūpasameti.|| ||

Kathañ ca Bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto,||
uppannuppanne pāpake akusale dhamme||
antarāy'eva antaradhāpeti, vūpasameti?|| ||

4. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evam kho bhikkhave, bhikkhu,||
cattāro iddhipāde bhāvento,||
cattāro iddhipāde bahulīkaronto,||
uppannuppanne pāpake akusale dhamme||
antarāy'eva antaradhāpeti, vūpasameti ti.|| ||

 


 

Sutta 64

Nāvā Suttaɱ

[1][pts][olds] Evam me sutaɱ:|| ||

2. Seyyathā pi bhikkhave, sāmuddikāya nāvāya vettabandhana bandhāya chammāsāni udake pariyenāya hemanatikena thalaɱ ukkhitāya vātātapaparetāni bandhanāni tāni pāvussakena meghena abhippavuṭṭhāni appakasiren'eva paṭippassambhanti pūtikāni bhavanti.|| ||

Evam eva kho bhikkhave, bhikkhuno||
cattāro iddhipāde bhāvento,||
cattāro iddhipāde bahulīkaronto,||
appakasiren'eva saŋyojanāni paṭippassambhanti pūtikāni bhavanti.|| ||

Kathañ ca Bhikkhave, bhikkhuno||
cattāro iddhipāde bhāvento,||
cattāro iddhipāde bahulīkaronto,||
appakasiren'eva saŋyojanāni paṭippassambhanti pūtikāni bhavanti?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave, bhikkhuno||
cattāro iddhipāde bhāvento,||
cattāro iddhipāde bahulīkaronto,||
appakasiren'eva saŋyojanāni paṭippassambhanti pūtikāni bhavanti ti.|| ||

 


 

Sutta 65

Āgantuka Suttaɱ

[1][pts][olds] Evam me sutaɱ:|| ||

Seyyathā pi bhikkhave, āgantukāgāraɱ, tattha puratthimāya pi disāya āgantvā vāsaŋ kappenti.|| ||

Pacchimāya pi disāya āgantvā vāsaŋ kappenti.|| ||

Uttarāya pi disāya āgantvā vāsaŋ kappenti.|| ||

Dakkhiṇāya pi disāya āgantvā vāsaŋ kappenti.|| ||

Khattiyā pi āgantvā vāsaŋ kappenti.|| ||

Brāhmaṇā pi āgantvā vāsaŋ kappenti.|| ||

Vessā pi āgantvā vāsaŋ kappenti.|| ||

Suddā pi āgantvā vāsaŋ kappenti.|| ||

Evam eva kho bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto||
ye dhammā abhiññā pariññeyyā,||
te dhamme abhiññā parijānāti,||
ye dhammā abhiññā pahātabbā,||
te dhamme abhiññā pajahati,||
ye dhammā abhiññā sacchikātabbā,||
te dhamme abhiññā sacchikaroti,||
ye dhammā abhiññā bhāvetabbā,||
te dhamme abhiññā bhāveti.|| ||

Katame ca bhikkhave,||
dhammā abhiññā pariññeyyā?|| ||

Pañcupādānakkhandhātissa vacanīyā.|| ||

Katame pañca, seyyathīdaɱ:|| ||

Rūpūpādānakkhandho,||
vedanūpādānakkhandho,||
saññūpādānakkhandho,||
sankhārūpādānakkhandho,||
viññāṇūpādānakkhandho.|| ||

Ime kho bhikkhave,||
dhammā abhiññā pariññeyyā.|| ||

Katame ca bhikkhave,||
dhammā abhiññā pahātabbā?|| ||

Avijjā ca bhavataṇhā ca.|| ||

Ime bhikkhave,||
dhammā abhiññā pahātabbā.|| ||

Katame ca bhikkhave,||
dhammā abhiññā sacchikātabbā?|| ||

Vijjā ca vimutti ca.|| ||

Ime bhikkhave,||
dhammā abhiññā sacchikātabbā.|| ||

Katame ca bhikkhave,||
dhammā abhiññā bhāvetabbā?|| ||

Samatho ca vipassanā ca.|| ||

Ime bhikkhave,||
dhammā abhiññā bhāvetabbā.|| ||

Kathañ ca bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto||
ye dhammā abhiññā pariññeyyā,||
te dhamme abhiññā parijānāti,||
ye dhammā abhiññā pahātabbā,||
te dhamme abhiññā pajahati,||
ye dhammā abhiññā sacchikātabbā,||
te dhamme abhiññā sacchikaroti,||
ye dhammā abhiññā bhāvetabbā,||
te dhamme abhiññā bhāveti?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto||
ye dhammā abhiññā pariññeyyā,||
te dhamme abhiññā parijānāti,||
ye dhammā abhiññā pahātabbā,||
te dhamme abhiññā pajahati,||
ye dhammā abhiññā sacchikātabbā,||
te dhamme abhiññā sacchikaroti,||
ye dhammā abhiññā bhāvetabbā,||
te dhamme abhiññā bhāveti ti.|| ||

 


 

Sutta 66

Nadī Suttaɱ

[1][pts][olds] Evam me sutaɱ:|| ||

Seyyathā pi, bhikkhave, Gaŋgā nadī pācīnaninnā pācīnapoṇā pācīnapabbhārā.|| ||

Atha mahājanakāyo āgaccheyya,||
kuddālapiṭakaɱ ādāya mayaɱ imaɱ gaŋgānadiɱ pacchāninnaɱ karissāma pacchāpoṇaɱ pacchāpabbhāranti.|| ||

Taɱ kimmaññatha bhikkhave,||
api nu so mahājanakāyo taɱ gaŋgānadiɱ pacchāninnaɱ kareyya pacchāpoṇaɱ pacchāpabbhāranti?|| ||

No h'etaɱ bhante, taɱ kissa hetu?|| ||

Gaŋgā bhante, nadī pācīnaninnā pācīnapoṇā pācīnapabbhārā, sā na sukarā pacchāninnaɱ kātuɱ pacchāpoṇaɱ pacchāpabbhāraɱ.|| ||

Yāvadeva ca pana so mahājanakāyo kilamathassa vighātassa bhāgī assātī.|| ||

3. Evam eva kho bhikkhave, bhikkhuɱ||
cattāro iddhipāde bhāvento,||
cattāro iddhipāde bahulīkaronto,||
rājāno vā,||
rājamahāmattā vā,||
mittā vā,||
amaccā vā,||
ñātī vā,||
sālohitā vā,||
bhogehi abhihaṭṭhuɱ pavāreyyuɱ.|| ||

Ehambho purisa,||
kiɱ te ime kāsāvā anudahanti,||
kiɱ muṇḍo kapālam anusañcarasi?|| ||

Ehi, hīnāyāvattitvā bhoge ca bhuñjassu||
puññāni ca karohī ti.|| ||

So vata bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto,||
sikkhaɱ paccakkhāya hīnāyāvatteyyāti.|| ||

Netaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ bhikkhave,||
cittaɱ dīgha-rattaɱ vivekaninnaɱ vivekapoṇaɱ vivekapabbhāraɱ.|| ||

Taɱ vata hīnāyāvattissatīti n'etaɱ ṭhānaɱ vijjati.|| ||

Kathañ ca bhikkhave, bhikkhu||
cattāro iddhipāde bhāvento,||
cattāro iddhipāde bahulīkaronto?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhipādaɱ bhāveti,|| ||

viriya-samādhi-padhāna-sankhāra-samannāgataɱ iddhipādaɱ bhāveti,|| ||

citta-samādhi-padhāna-sankhāra-samannāgataɱ iddhipādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhipādaɱ bhāveti.|| ||

Evaɱ kho bhikkhave, bhikkhu||
cattāro iddhipāde bhāveti,||
cattāro iddhipāde bahulīkaroti ti|| ||

 


[1] It is not clear to me exactly how to adapt SN 5.45.92 — 102 to the development of the cattāro iddhipāde. It could be that the addition of
"vivekanissitaɱ, virāganissitaɱ, nirodhanissitaɱ, vossaggapariṇāmiɱ or
"rāgavinayapariyosānaɱ, dosavinayapariyosānaɱ, mohavinayapariyosānaɱ" or
amatogadhaɱ, amataparāyaṇaɱ, amatapariyosānaɱ or
nibbānaninnaɱ nibbānapoṇaɱ nibbānapabbhāraɱ or all of the above, was intended to be placed after each of the four developments of the cattāro iddhipāde, or
that each of the four developments of the Iddhipada was to be folowed by each of the steps of the Magga plus each of these four modifications, or
that each of the suttas we have here was to have been developed according to the scheme in SN 5.45, which gives four suttas for each single sutta here. The sutta numbering suggests the arrangement I have made above.

[2] Here to adapt this from SN 5.45.155, I have replaced cattāro iddhipāde with ariyam aṭṭhaṅgikam maggam.


Contact:
E-mail
Copyright Statement   Webmaster's Page