Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya,
V: Mahā-Vagga
51. Iddhipāda Saɱyutta

Chapter VIII
Suttas 77-86

Ogha Vaggo

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 77

Ogho Suttaɱ

[1][pts][olds] Evam me sutaɱ:|| ||

Ekaɱ samayam Bhagavā Sāvatthiyaɱ viharati.|| ||

2. Cattāro'me bhikkhave, oghā.|| ||

Katame cattāro?|| ||

Kāmogho||
bhavogho||
diṭṭhogho||
avijjogho.|| ||

Ime kho bhikkhave, cattāro oghā.|| ||

Imāsaŋ kho bhikkhave, catunnaɱ oghānaɱ||
abhiññāya, pariññāya, parikkhayāya, pahānāya[1]||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave catunnaɱ oghānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 78

Yogo Suttaɱ

[1][pts][olds] Evam me sutaɱ:|| ||

2. Cattāro'me bhikkhave, yogā.|| ||

Katame cattāro?|| ||

Kāmayogo||
bhavayogo||
diṭṭhiyogo||
avijjāyogo.|| ||

Ime kho bhikkhave, cattāro yogā.|| ||

Imāsaŋ kho bhikkhave, catunnaɱ yogānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave catunnaɱ yogānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 79

Upādānāɱ Suttaɱ

[1][pts][olds] Evam me sutaɱ:|| ||

2. Cattār'imāni bhikkhave, upādānāni.|| ||

Katamāni cattāri?|| ||

Kāmūpādānaɱ||
diṭṭh'ūpādānaɱ||
sīl'abbat'ūpādānaɱ||
att'avād'ūpādānaɱ.|| ||

Imāni kho bhikkhave, cattāri upādānāni.|| ||

Imesaŋ kho Bhikkhave, catunnaɱ upādānānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave catunnaɱ upādānānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 

§

 

Sutta 80

Ganthā Suttaɱ

[1][pts][olds] Evam me sutaɱ:|| ||

2. Cattāro'me bhikkhave, ganthā.|| ||

Katame cattāro?|| ||

Abhijjhā kāyagantho||
vyāpādo kāyagantho||
sīl'abbata-parāmāso kāyagantho||
idaɱsaccābhiniveso kāyagantho.|| ||

Ime kho bhikkhave, cattāro ganthā.|| ||

Imesaŋ kho bhikkhave, catunnaɱ ganthānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave catunnaɱ ganthānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 81

Anusayā Suttaɱ

[1][pts][olds] Evam me sutaɱ:|| ||

2. Satt'ime bhikkhave, anusayā.|| ||

Katame satta?|| ||

Kāmarāg-ā-nusayo||
paṭighā'nusayo||
diṭṭhā'nusayo||
vicikicchā'nusayo||
mān-ā-nusayo||
bhava-rāg-ā-nusayo||
avijjā'nusayo.|| ||

Ime kho bhikkhave, satta anusayā.|| ||

Imesaŋ kho bhikkhave, sattannaɱ anusayānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave sattannaɱ anusayānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 82

Kāmaguṇa Suttaɱ

[1][pts][olds] Evam me sutaɱ:|| ||

2. Pañc'ime bhikkhave, kāma-guṇā.|| ||

Katame pañca?|| ||

Cakkhu-viññeyyā rūpā iṭṭhā kantā manāpā piya-rūpā kāmūpasaŋhitā rajanīyā.|| ||

Sota-viññeyyā saddā iṭṭhā kantā manāpā piya-rūpā kāmūpasaŋhitā rajanīyā.|| ||

Ghāna-viññeyyā gandhā iṭṭhā kantā manāpā piya-rūpā kāmūpasaŋhitā rajanīyā.|| ||

Jivhā-viññeyyā rasā iṭṭhā kantā manāpā piya-rūpā kāmūpasaŋhitā rajanīyā.|| ||

Kāya-viññeyyā phoṭṭhabbā iṭṭhā kantā manāpā piya-rūpā kāmūpasaŋhitā rajanīyā.|| ||

Ime kho bhikkhave, pañca kāma-guṇā.|| ||

Imesaŋ kho bhikkhave, pañcannaɱ kāma-guṇānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave pañcannaɱ kāma-guṇānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 83

Nivaraṇāni Suttaɱ

[1][pts][olds] Evam me sutaɱ:|| ||

2. Pañc'imāni bhikkhave, nīvaraṇāni.|| ||

Katamāni pañca?|| ||

Kāma-c-chanda-nīvaraṇaɱ||
vyāpāda-nīvaraṇaɱ||
thīna-middha-nīvaraṇaɱ||
uddhacca-kukkucca-nīvaraṇaɱ||
vicikicchā-nīvaraṇaɱ.|| ||

Imāni kho bhikkhave, pañca nīvaraṇāni.|| ||

Imesaŋ kho bhikkhave, pañcannaɱ nīvaraṇānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave pañcannaɱ nīvaraṇānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 84

Khandā[2] Suttaɱ

[1][pts][olds] Evam me sutaɱ:|| ||

2. Pañc'ime bhikkhave, upādāna-k-khandhā.|| ||

Katame pañca?|| ||

Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
sankhār'ūpādāna-k-khandho||
viññāṇ'ūpādāna-k-khandho.|| ||

Ime kho bhikkhave, pañc'upādāna-k-khandhā.|| ||

Imesaŋ kho bhikkhave, pañcannaɱ upādāna-k-khandhānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave pañcannaɱ upādāna-k-khandhānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 85

Orambhāgiya Suttaɱ

[1][pts][olds] Evam me sutaɱ:|| ||

2. Pañc'imāni bhikkhave, ora-m-bhāgiyāni saŋyojanāni.|| ||

Katamāni pañca?|| ||

Sakkāya-diṭṭhi||
vicikicchā||
sīl'abbata-parāmāso||
kāma-c-chando||
vyāpādo.|| ||

Imāni kho bhikkhave, pañc'ora-m-bhāgiyāni saŋyojanāni.|| ||

Imesaŋ kho bhikkhave, pañcannaɱ ora-m-bhāgiyānaɱ saŋyojanānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave pañcannaɱ ora-m-bhāgiyānaɱ saŋyojanānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


 

Sutta 86

Uddhambhāgiya Suttaɱ

[1][pts][olds] Evam me sutaɱ:|| ||

2. Pañc'imāni bhikkhave, uddhambhāgiyāni saŋyojanāni.|| ||

Katamāni pañca?|| ||

Rūpa-rāgo||
arūpa-rāgo||
māno||
uddhaccaɱ||
avijjā.|| ||

Imāni kho bhikkhave, pañc'uddham-bhāgiyāni saŋyojanāni.|| ||

Imesaŋ kho bhikkhave, pañcannaɱ uddhambhāgiyānaɱ saŋyojanānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

Katamo cattāro iddhi-pāde?|| ||

3. Idha bhikkhave bhikkhu chanda-samādhi-padhāna-sankhāra-samannāgataɱ iddhi-pādaɱ bhāveti,|| ||

viriya-samādhi-padhāna-sankhāra-samannāgataɱ iddhi-pādaɱ bhāveti,|| ||

citta-samādhi-padhāna-sankhāra-samannāgataɱ iddhi-pādaɱ bhāveti,|| ||

vīmaɱsā-samādhi-padhāna-sankhāra-samannāgataɱ iddhi-pādaɱ bhāveti.|| ||

Imāsaŋ kho bhikkhave pañcannaɱ uddhambhāgiyānaɱ saŋyojanānaɱ||
abhiññāya, pariññāya, parikkhayāya, pahānāya||
cattāro iddhi-pāde bhāveti,||
cattāro iddhi-pāde bahulī-karoti.|| ||

 


[1] The text says 'to be developed'. In the Magga Samyutta it says here 'to be developed according to the Esanā chapter' which is what I have done but following the Esanā chapter of the Iddhipada Samyutta. That followes the Magga Samyutta with changes but with one sutta for the first four of the Magga Samyutta and omitting the next 12 'developments'. See sn05.51.055-066 n. 1 for more about this.

[2] Titled Upādāna-k-khandha in the Sri Lanka Buddha Jayanti Tripitaka Series. Both are developed asupādāna-k-khandha.


Contact:
E-mail
Copyright Statement