Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya,
V: Mahā Vagga
52. Anuruddha Saɱyutta
I. Rahogata Vagga

Sutta 7

Taṇhakkhaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ āyasmā Anuruddho Sāvatthiyaɱ viharati Jetavane Anāthapiṇḍikassa ārāme.|| ||

Tatra kho āyasmā Anuruddho bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū āyasmato Anuruddhassa paccassosuɱ||
āyasmā Anuruddho etad avoca:|| ||

Cattāro'me āvuso sati-paṭṭhānā bhāvitā||
bahulī-katā||
taṇha-k-khayāya saŋvattanti.|| ||

Katame cattāro?|| ||

Idh'āvuso bhikkhu kāye kāy'ānupassī viharāmi,||
ātāpī sampajāno satimā vineyya loke abhijjhā domanassaŋ,|| ||

Vedanāsu vedan'ānupassī viharāmi,||
ātāpī sampajāno satimā vineyya loke abhijjhā domanassaɱ.|| ||

Citte citt'ānupassī viharāmi,||
ātāpī sampajāno satimā vineyya loke abhijjhā domanassaɱ.|| ||

Dhammesu Dhamm'ānupassī viharāmi,||
ātāpī sampajāno satimā vineyya loke abhijjhā-domanassaɱ.|| ||

Imesaɱ kho ahaɱ āvuso, catunnaɱ sati-paṭṭhānānaɱ bhāvitattā||
bahulī-katattā||
taṇha-k-khayāya saŋvattantī." ti.|| ||

 


Contact:
E-mail
Copyright Statement