Samyutta Nikaya Masthead


[Home]  [Sutta Indexes]  [Glossology]  [Site Sub-Sections]


 

Saɱyutta Nikāya,
V: Mahā Vagga
52. Anuruddha Saɱyutta
I. Rahogata Vagga

Sutta 8

Salaḷāgāra Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evam me sutaɱ:|| ||

Ekaɱ samayaɱ āyasmā Anuruddho Sāvatthiyaɱ viharati salaḷāgāre.|| ||

2. Tatra kho āyasmā Anuruddho bhikkhū amantesi:|| ||

'Āvuso bhikkhavo' ti.|| ||

Āvuso ti kho te bhikkhū āyasmato Anuruddhassa paccassosuɱ.|| ||

Āyasmā Anuruddho etad avoca:

3. Seyyathā pi āvuso, Gaŋgā nadī pācīna-ninnā pācīna-poṇā pācīna-pabbhārā.|| ||

Atha mahā-jana-kāyo āgaccheyya kuddā piṭakaɱ ādāya "mayaɱ imaɱ Gaŋgā nadiɱ||
pacchāninnaɱ karissāma||
pacchāpoṇaɱ||
pacchāpabbhāran" ti.|| ||

Taɱ kiɱ maññathāvuso?|| ||

Api nu so mahā-jana-kāyo Gaŋgā nadiɱ||
pacchāninnaɱ kareyya||
pacchāpoṇaɱ||
pacchāpabbhāran' ti?|| ||

'No h'etaɱ āvuso.|| ||

Taɱ kissa hetu?|| ||

Gaŋgā āvuso nadī pācīna-ninnā pācīna-poṇā pācīna-pabbhārā||
sā na sukarā||
pacchāninnaɱ kātuɱ||
pacchāpoṇaɱ||
pacchāpabbhāraɱ.|| ||

Yāvad eva ca pana so mahā-jana-kāyo kilamathassa vighātassa bhāgī assā' ti.|| ||

4. Evam eva kho āvuso, bhikkhuɱ cattāro sati-paṭṭhāne bhāventaɱ cattāro sati-paṭṭhāne bahulī-karontaɱ||
rājāno vā||
rāja-mahā-matto vā||
mittā vā||
amaccā vā||
ñātisā-lohitā [301] vā||
bhogehi abhihaṭṭhuɱ pavāreyyuɱ:|| ||

"Eh'ambho purisa,||
kiɱ te ime kāsāvā anudahanti?|| ||

Kiɱ muṇḍo kapālam anusañcarasi?|| ||

Ehi hīnāy'āvattitvā bhoge bhuñjassu puññāni ca karohī" ti.|| ||

So vata āvuso bhikkhu cattāro sati-paṭṭhāne bhāvento cattāro sati-paṭṭhāne bahulī-karonto sikkhaɱ pacca-k-khāya hīnāy'āvattissatī ti,||
n'etaɱ ṭhānaɱ vijjati.|| ||

Taɱ kissa hetu?|| ||

Yaɱ hi taɱ āvuso cittaɱ dīgha-rattaɱ||
viveka-ninnaɱ||
viveka-poṇaɱ||
viveka-pabbhāraɱ.|| ||

Taɱ tathā hīnāy'āvattissatī" ti||
n'etaɱ ṭhānaɱ vijjati.|| ||

Kathañ c'āvuso, bhikkhu cattāro sati-paṭṭhāne bhāveti cattāro sati-paṭṭhāne bahulī-karoti?|| ||

Idh'āvuso, bhikkhu kāye kāy'ānupassī viharati||
ātāpī sampajāno satimā vineyya loke abhijjhā-domanassaɱ.|| ||

Vedanāsu vedan'ānupassī viharati||
ātāpī sampajāno satimā vineyya loke abhijjhā-domanassaɱ.|| ||

Citte citt'ānupassī viharati||
ātāpī sampajāno satimā vineyya loke abhijjhā-domanassaɱ.|| ||

Dhammesu Dhamm'ānupassī viharati||
ātāpī sampajāno satimā vineyya loke abhijjhā-domanassaɱ.|| ||

Evaɱ kho āvuso, bhikkhu cattāro sati-paṭṭhāne bhāveti,||
cattāro sati-paṭṭhāne bahulī-karotī' ti.

 


Contact:
E-mail
Copyright Statement